ഐപിഎല്‍ പോയിന്‍റ് പട്ടികയില്‍ മൂന്നാം സ്ഥാനം ലക്ഷ്യം ഇട്ട് സൺറൈസേഴ്‌സ് ഹൈദരാബാദും ലഖ്‌നൗ സൂപ്പർ ജയൻ്റ്‌സും
സൺറൈസേഴ്‌സ് ഹൈദരാബാദ് (എസ്ആർഎച്ച്)ലഖ്‌നൗ സൂപ്പർ ജയൻ്റ്‌സിനെ (എൽഎസ്ജി) നേരിടും.ടൂർണമെൻ്റിൻ്റെ 57-ാം മത്സരത്തിൽ ഹൈദരാബാദിലെ രാജീവ് ഗാന്ധി ഇൻ്റർനാഷണൽ സ്റ്റേഡിയത്തിൽ മെയ് 08 ബുധനാഴ്ച ഇരുടീമുകളും ഏറ്റുമുട്ടും. മുംബൈ ഇന്ത്യൻസിനെതിരായ അവസാന മത്സരത്തിൽ ഏഴ് വിക്കറ്റിന് പരാജയപ്പെട്ടതിന് ശേഷമാണ് സൺറൈസേഴ്‌സ് ഈ മല്‍സരത്തിന് വേണ്ടി തയ്യാര്‍ എടുക്കുന്നത്.
മറുവശത്ത്, കൊൽക്കത്ത നൈറ്റ് റൈഡേഴ്സിനെതിരായ അവസാന മത്സരത്തിൽ കെ എൽ രാഹുലിൻ്റെ നേതൃത്വത്തിലുള്ള ടീമും തോൽവിയിൽ നിന്ന് കരകയറാന്‍ ശ്രമം നടത്തുകയാണ്.11 മത്സരങ്ങളിൽ ആറ് വിജയങ്ങളുമായി നിലവിൽ 12 പോയിൻ്റുമായി പോയിൻ്റ് പട്ടികയിൽ അഞ്ചാം സ്ഥാനത്താണ് ലഖ്നൌ.ഇന്നതെ മല്‍സരത്തില്‍ വിജയം നേടി ലീഗ് പട്ടികയില്‍ മൂന്നാം സ്ഥാനത്തേക്ക് എത്തുക എന്നതാണു അവരുടെ ലക്ഷ്യം.പതിനൊന്നു മല്‍സരങ്ങളില്‍ നിന്നു പന്ത്രണ്ടു പോയിന്റോടെ തന്നെ സണ്‍ റൈസെര്‍സ് ഹൈദരാബാദ് നാലാം സ്ഥാനത്താണ്.ഇന്ത്യന്‍ സമയം ഏഴര മണിക്ക് ആണ് മല്‍സരം.
