സ്റ്റാര്‍ക്കിന്‍റെ പരിക്ക് അത്രക്ക് സാരം ഉള്ളതല്ല എന്ന് അറിയിച്ച് ഓസീസ് ക്യാപ്റ്റന്‍ മാര്‍ഷ്
ടി20 ലോകകപ്പിൽ ഒമാനെതിരെ തൻ്റെ ഓവർ പൂർത്തിയാക്കാതെ വെറ്ററൻ പേസർ മിച്ചൽ സ്റ്റാർക്ക് പുറത്ത് പോയത് ഓസീസ് ആരാധകരെ ഏറെ പേടിപ്പിച്ചിട്ടുണ്ട്.15-ാം ഓവറിൽ, തൻ്റെ നാലാമത്തെ ഓവറിൽ ഒരു പന്ത് മാത്രം എറിഞ്ഞ സ്റ്റാര്‍ക്ക് വേദന കൊണ്ട് പുളയുകയായിരുന്നു. എന്താണ് ഇതിന് കാരണം എന്നു പ്രഥമ ദൃഷ്ട്ടിയില്‍ തെളിഞ്ഞില്ല.താരം വിളിച്ചതിന് ശേഷം ഫിസിയോസ് ചികിത്സ നല്കി.
സ്റ്റാര്‍ക് പോയതോടെ 15-ാം ഓവർ എറിയാൻ ഗ്ലെൻ മാക്സ്വെൽ എത്തി.ഗെയിമിന് ശേഷം, മാർഷ് സ്റ്റാർക്കിനെക്കുറിച്ച് ഒരു അപ്‌ഡേറ്റ് നൽകി,’ അവന് അസ്ഥിയില്‍ ചെറിയ പിടിത്തം, അത് അവന് എന്നോടു പറഞ്ഞു.അപ്പോള്‍ കൂടുതല്‍ റിസ്ക് എടുക്കണ്ട എന്നു പറഞ്ഞത് ഞാന്‍ ആയിരുന്നു.”മത്സരത്തിന് ശേഷമുള്ള അവതരണത്തിൽ മാര്‍ഷ് പറഞ്ഞു.സ്റ്റാർക്കിൻ്റെ അഭാവത്തിലും ഓസ്‌ട്രേലിയ 39 റൺസിൻ്റെ അനായാസ ജയം സ്വന്തമാക്കി.അടുത്ത മല്‍സരത്തില്‍ ഓസീസിന്റെ എതിരാളി ഇംഗ്ലണ്ട് ആണ്.ആ മല്‍സരത്തില്‍ സ്റ്റാര്‍ക്ക് തീര്‍ച്ചയായും കളിക്കും.
