സുരേഷ് റെയ്‌നയുടെ ബന്ധു ധർമ്മശാലയിൽ വാഹനാപകടത്തിൽ മരിച്ചു
മുൻ ക്രിക്കറ്റ് താരം സുരേഷ് റെയ്‌നയുടെ ബന്ധു ഹിറ്റ് ആൻഡ് റൺ സംഭവത്തിൽ കൊല്ലപ്പെട്ടു, അതേ സ്‌കൂട്ടർ ഓടിച്ചിരുന്ന മറ്റൊരാളുടെ ജീവനും നഷ്ട്ടപ്പെട്ടതായി പോലീസ് വ്യാഴാഴ്ച പറഞ്ഞു. ബുധനാഴ്ച ഗാഗൽ വിമാനത്താവളത്തിന് സമീപം കാറുമായി കൂട്ടിയിടിച്ച് റെയ്‌നയുടെ മാതൃ ബന്ധുവായ സൗരഭ് കുമാറും സുഹൃത്ത് കുത്മാനിൽ നിന്നുള്ള ശുഭമും മരിച്ചു.ബുധനാഴ്ച രാത്രി 11:30 ഓടെയാണ് സംഭവം നടന്നതെന്ന് പോലീസ് സൂപ്രണ്ട് (എസ്‌പി) കാൻഗ്ര, ശാലിനി അഗ്നിഹോത്രി പറഞ്ഞു.
കാർ ഡ്രൈവറായ ഷേർ സിങ്ങാണ് കൂട്ടിയിടിച്ചതിന് ഉത്തരവാദിയെന്ന് പോലീസ് പറഞ്ഞു.സംഭവസ്ഥലത്ത് നിന്ന് ഇയാൾ ഓടിരക്ഷപ്പെട്ടിരുന്നുവെങ്കിലും സംഭവം പതിഞ്ഞ സിസിടിവി ദൃശ്യങ്ങളുടെ സഹായത്തോടെ സിംഗിനെ പിന്നീട് മാണ്ഡിയിൽ വെച്ച് അറസ്റ്റ് ചെയ്യുകയായിരുന്നു.പ്രതിക്കെതിരെ ഇന്ത്യൻ ശിക്ഷാ നിയമത്തിലെ സെക്ഷൻ 279 (അശ്രദ്ധമൂലമുള്ള ഡ്രൈവിംഗ്), 304 എ (അശ്രദ്ധമൂലമുള്ള മരണം), മോട്ടോർ വാഹന നിയമത്തിലെ സെക്ഷൻ 187 എന്നിവ പ്രകാരം കേസെടുത്തതായി പോലീസ് അറിയിച്ചു.
