കരാർ ലംഘിച്ചതിന് അഫ്ഗാനിസ്ഥാൻ സ്പിന്നർ നൂർ അഹമ്മദിനെ യുഎഇ ക്രിക്കറ്റ് 12 മാസം ബാന്‍ നല്കി
ഷാർജ വാരിയേഴ്സുമായുള്ള കരാർ ലംഘിച്ചതിന് അഫ്ഗാനിസ്ഥാൻ സ്പിന്നർ നൂർ അഹമ്മദിന് യുഎഇയുടെ ഇൻ്റർനാഷണൽ ലീഗ് ടി20 12 മാസത്തെ വിലക്ക്.2023-ൽ ILT20-ൻ്റെ ആദ്യ സീസണിനായി വാരിയേഴ്‌സ് നൂരിനെ സൈന്‍ ചെയ്തിരുന്നു.കരാറില്‍ രണ്ടാം വര്‍ഷം നീട്ടാനുള്ള ഓപ്ഷന്‍ ഉണ്ട്.എന്നാല്‍ ക്ലബ് ആവശ്യപ്പെട്ടിട്ടും രണ്ടാം സീസണ്‍ കരാര്‍ താരം ഒപ്പിട്ടിട്ടില്ല.
(നവീൻ-ഉൾ-ഹഖ്)
താരം നിലവില്‍ സൌത്ത് ആഫ്രിക്കന്‍ t 20 ലീഗ് കളിയ്ക്കാന്‍ പോയിരിക്കുകയാണ്.ഡർബൻ സൂപ്പർ ജയൻ്റ്‌സിനൊപ്പം ആണ് നിലവില്‍ താരം.കമ്മിറ്റി ആദ്യം 20 മാസത്തെ വിലക്ക് ശുപാർശ ചെയ്തിരുന്നുവെങ്കിലും കരാർ ഒപ്പിടുന്ന സമയത്ത് നൂർ പ്രായപൂർത്തിയാകാത്തയാളാണെന്ന വസ്തുതയും കരാറിൻ്റെ മുഴുവൻ നിബന്ധനകളും തൻ്റെ ഏജൻ്റ് തന്നെ അറിയിച്ചിട്ടില്ലെന്നും താരം പറഞ്ഞത് കണക്കില്‍ എടുത്ത് ബാന്‍ 12 മാസത്തേക്ക് കുറച്ചു.വിലക്ക് നേരിടുന്ന രണ്ടാമത്തെ താരമാണ് നൂർ, കഴിഞ്ഞ ഡിസംബറിൽ തൻ്റെ സഹതാരം നവീൻ-ഉൾ-ഹഖിനെയും നിലനിർത്തൽ നോട്ടീസിൽ ഒപ്പിടാത്തതിന് ലീഗ് 20 മാസത്തേക്ക് വിലക്കിയിരുന്നു. ഈ വിലക്ക് ടൂര്‍ണമെന്‍റിന്റെ 2024, 2025 പതിപ്പുകളിൽ നിന്ന് നവീനിനെ ഒഴിവാക്കി.
