ഐസിസി റാങ്കിംഗിൽ ഇന്ത്യയെ കടത്തി വെട്ടി ഓസ്‌ട്രേലിയ ഒന്നാം നമ്പർ ടെസ്റ്റ് ടീമായി
ഐസിസി റാങ്കിങ്ങിൽ ഇന്ത്യയ്ക്ക് പകരം ഓസ്‌ട്രേലിയ ഒന്നാം സ്ഥാനത്തെത്തി. ഇതിനുമുമ്പ്, ജൂണിൽ നടന്ന ലോക ടെസ്റ്റ് ചാമ്പ്യൻഷിപ്പ് ഫൈനലിലെ വിജയത്തിന് ശേഷം ഓസ്‌ട്രേലിയ ഹ്രസ്വകാലത്തേക്ക് ഒന്നാം സ്ഥാനം നിലനിർത്തിയിരുന്നു.ഓസ്‌ട്രേലിയയ്ക്കും ഇന്ത്യയ്ക്കും 118 വീതം റേറ്റിംഗ് ഉണ്ടായിരുന്നു.എന്നാല്‍ ദക്ഷിണാഫ്രിക്കയിൽ നടന്ന രണ്ട് മത്സരങ്ങളുടെ പരമ്പരയില്‍ സമനില നേടിയത് അവര്‍ക്ക് തിരിച്ചടിയായി.
അത് മൂലം ഇന്ത്യയ്ക്ക് ഒരു റേറ്റിംഗ് പോയിന്റ് നഷ്ടമായി.അതേസമയം, ഓസ്‌ട്രേലിയ ആദ്യ രണ്ട് ടെസ്റ്റുകളിൽ പാക്കിസ്ഥാനെ തോൽപ്പിച്ച് 118 റേറ്റിംഗ് പോയിന്റിൽ തുടർന്നു.മൂന്ന് ഫോർമാറ്റുകളിലും ഒന്നാം നമ്പർ ടീമെന്ന നിലയിലുള്ള ഇന്ത്യയുടെ മുന്നേറ്റം ഇതോടെ അവസാനിച്ചു.കഴിഞ്ഞ സെപ്റ്റംബറിൽ ക്രിക്കറ്റിന്റെ എല്ലാ ഫോര്‍മാറ്റുകളിലും ഒന്നാം സ്ഥാനം നേടുന്ന പുരുഷന്മാരുടെ ചരിത്രത്തിലെ രണ്ടാമത്തെ ടീമായി ഇന്ത്യ മാറിയിരുന്നു.
