നാലാം ടി20: ഗില്ലും ജയ്സ്വാളും ചേർന്ന് വെസ്റ്റ് ഇൻഡീസിനെ ഒമ്പത് വിക്കറ്റിന് തകർത്തു
ശനിയാഴ്ച സെൻട്രൽ ബ്രോവാർഡ് റീജിയണൽ പാർക്ക് സ്റ്റേഡിയത്തിൽ നടന്ന നാലാം ടി20യിൽ വെസ്റ്റ് ഇൻഡീസിനെ ഒമ്പത് വിക്കറ്റിന് തകർത്തുകൊണ്ട് അഞ്ച് മത്സരങ്ങൾ ഉള്ള പരമ്പര ഇന്ത്യ സമനിലയിലാക്കി. ഇന്ത്യയുടെ ഓപ്പണിംഗ് ജോഡികളായ ശുഭ്മാൻ ഗില്ലും യശസ്വി ജയ്സ്വാളും ചേർന്നാണ് ഇന്ത്യയെ വിജയത്തിലേക്ക് നയിച്ചത് .
39 പന്തിൽ 61 റൺസ് നേടിയ ഷിംറോൺ ഹെറ്റ്മെയർ തന്റെ മികച്ച പ്രകടനം പുറത്തെടുത്ത ശേഷം, വെസ്റ്റ് ഇൻഡീസിനെ 20 ഓവറിൽ 178/8 എന്ന നിലയിലേക്ക് നയിച്ചു,.മറുപടി ബാറ്റിങ്ങിൽ ഇന്ത്യ ഒരു വിക്കറ്റ് നഷ്ടത്തിൽ വിജയം സ്വന്തമാക്കി. ഗിൽ 47 പന്തിൽ മൂന്ന് ഫോറും അഞ്ച് സിക്സും സഹിതം 77 റൺസെടുത്തപ്പോൾ 51 പന്തിൽ 11 ഫോറും അഞ്ച് സിക്സും സഹിതം 84 റൺസുമായി യശസ്വി ജയ്സ്വാൾ പുറത്താകാതെ നിന്നു. .
ചേസിനിടെ പിച്ച് മന്ദഗതിയിലാണെന്ന് തോന്നുമെങ്കിലും, ഗില്ലും ജയ്സ്വാളും ശക്തിയും സമയവും സംയോജിപ്പിച്ച് 165 റൺസ് ഓപ്പണിംഗ് കൂട്ടുകെട്ടുണ്ടാക്കി. ഗില്ലും ജയ്സ്വാളും തമ്മിലുള്ള 165 റൺസിന്റെ കൂട്ടുകെട്ട്, പുരുഷന്മാരുടെ ടി20ഐ കളിലെ ഇന്ത്യയുടെ ഏറ്റവും ഉയർന്ന ഓപ്പണിംഗ് വിക്കറ്റ് കൂട്ടുകെട്ടാണ്,
