ഏഷ്യൻ ചാമ്പ്യൻസ് ട്രോഫി ഹോക്കി: ലീഗ് മത്സരത്തിൽ കൊറിയയെ ചൈന സമനിലയിൽ തളച്ചു

 

ഏഷ്യൻ ചാമ്പ്യൻസ് ട്രോഫിയിലെ തങ്ങളുടെ മൂന്നാം മത്സരത്തിൽ നിലവിലെ ചാമ്പ്യൻമാരായ കൊറിയ റിപ്പബ്ലിക് നേരത്തെ നേടിയ ഗോൾ മുതലാക്കുന്നതിൽ പരാജയപ്പെട്ടു.മത്സരത്തിൽ രണ്ട് ടീമുകളും ഓരോ ഗോൾ വീതം നേടി.

18-ാം മിനിറ്റിൽ, പ്രധാന റൗണ്ട് റോബിൻ ലീഗ് മത്സരത്തിൽ ജങ് ജോങ്-ഹ്യൂൺ പെനാൽറ്റി കോർണർ ഗോളാക്കി മാറ്റിയതോടെ കൊറിയ മുന്നിലെത്തി. രണ്ടാം പകുതിയിൽ ശക്തമായി തിരിച്ചെത്തിയ ചൈന 43-ാം മിനിറ്റിൽ ചെൻ ചോങ്‌കോങ്ങിലൂടെ ഒരു ഫീൽഡ് ഗോൾ നേടി മത്സര൦ സമനിലയിൽ ആക്കി, ടൂർണമെന്റിലെ അവരുടെ ആദ്യ പോയിന്റ്.

മൂന്ന് മത്സരങ്ങളിൽ നിന്ന് അഞ്ച് പോയിന്റുമായി രണ്ടാം സ്ഥാനത്താണ് കൊറിയ, രണ്ട് കളികളിൽ നിന്ന് ആറ് പോയിന്റുമായി മലേഷ്യ പട്ടികയിൽ മുന്നിലാണ്.