Cricket Cricket-International Top News

ആദ്യ ടി20യിൽ വിന്‍ഡീസിനെതിരെ ഇന്ത്യക്ക് വമ്പന്‍ ജയം

July 30, 2022

author:

ആദ്യ ടി20യിൽ വിന്‍ഡീസിനെതിരെ ഇന്ത്യക്ക് വമ്പന്‍ ജയം

ടി20 പരമ്പരയിലെ ആദ്യ മത്സരത്തില്‍ വെസ്റ്റ് ഇന്‍ഡീസിനെതിരെ 68 റണ്‍സിന്‍റെ വമ്പന്‍ ജയവുമായി ഇന്ത്യ അഞ്ച് മത്സരങ്ങളടങ്ങിയ ടി20 പരമ്പരയില്‍ 1-0ന് മുന്നിലെത്തി. ഇന്ത്യ ഉയര്‍ത്തിയ 191 റണ്‍സ് വിജയലക്ഷ്യം പിന്തുടര്‍ന്ന ആതിഥേയർക്ക് 20 ഓവറില്‍ എട്ടു വിക്കറ്റ് നഷ്ടത്തില്‍ 122 റണ്‍സെടുക്കാനെ കഴിഞ്ഞുള്ളൂ.

കൂറ്റന്‍ വിജയലക്ഷ്യം പിന്തുടര്‍ന്ന വിന്‍ഡീസ് നിരയില്‍ ആര്‍ക്കും തിളങ്ങാനായില്ല. 20 റണ്‍സ് നേടിയ ഓപ്പണര്‍ ഷമാറ ബ്രൂക്‌സ് ആണ് ടോപ് സ്‌കോറര്‍. ക്യാപ്റ്റന്‍ രോഹിത് ശര്‍മ 64 (44), ദിനേശ് കാര്‍ത്തിക് 41 (19)എന്നിവരാണ് ഇന്ത്യക്ക് കിടിലൻ സ്‌കോര്‍ സമ്മാനിച്ചത്.

വളരെ കൃത്യതയോടെ പന്തെറിഞ്ഞ ഇന്ത്യൻ ബോളർമാരാണ് വിജയത്തിൽ നിർണായക പങ്കുവഹിച്ചത്. ഒരു ഘട്ടത്തിലും വിന്‍ഡീസിനെ മുന്നേറാന്‍ അനുവദിച്ചില്ല. കൃത്യമായ ഇടവേളകളില്‍ ഇന്ത്യ വിക്കറ്റുകള്‍ വീഴ്ത്തിക്കൊണ്ടിരുന്നു. ഇന്ത്യക്ക് വേണ്ടി അര്‍ഷ്ദീപ് സിങ്, രവിചന്ദ്രന്‍ അശ്വിന്‍, രവി ബിഷ്‌ണോയ് എന്നിവര്‍ രണ്ട് വിക്കറ്റ് വീഴ്ത്തിയപ്പോള്‍ ഭുവനേശ്വര്‍ കുമാര്‍, രവീന്ദ്ര ജഡേജ എന്നിവര്‍ ഓരോ വിക്കറ്റ് വീതവും വീഴ്ത്തി.

Leave a comment

Your email address will not be published. Required fields are marked *