എമിറേറ്റസ് കിരീടം നേടി ആഴ്സണല്‍
ഞായറാഴ്ച നടന്ന എമിറേറ്റ്‌സ് കപ്പ് ഫൈനലിൽ ലിയോണിനെതിരെ 2-0ന് വിജയിച്ച ആഴ്‌സണൽ തങ്ങളുടെ പ്രീസീസൺ ഭംഗിയായി അവസാനിപ്പിച്ചു.മാർട്ടിൻ ഒഡെഗാർഡ്, ഡെക്ലാൻ റൈസ്, ബുക്കയോ സാക്ക എന്നിവരുൾപ്പെടെ ശക്തമായ ഒരു ടീമിനെ തന്നെ ആണ് മൈക്കല്‍ അര്‍ട്ടേട്ട കളിയ്ക്കാന്‍ ഒരുക്കിയത്.ഈ ആഴ്ച്ച പതിനേഴിന് പ്രീമിയര്‍ ലീഗിന് വേണ്ടിയുള്ള പോരാട്ടം ആഴ്സണല്‍ ആരംഭിക്കും.
ഒമ്പത് മിനിറ്റിൽ വില്യം സാലിബ ആഴ്‌സണലിനായി സ്‌കോറിംഗ് തുറന്നു. 27 മിനിറ്റിൽ ഗബ്രിയേൽ മഗൽഹെസ് രണ്ടാമതും കൂട്ടിച്ചേർത്തു.ബൊലോഗ്‌നയിൽ നിന്നുള്ള സമ്മർ സൈനിംഗായ റിക്കാർഡോ കാലാഫിയോറി ഇന്നലെ ആഴ്സണലിന് വേണ്ടി അരഞ്ഞേറ്റം കുറിച്ചു.64-ാം മിനിറ്റിൽ ഒലെക്‌സാണ്ടർ സിൻചെങ്കോയ്ക്ക് പകരക്കാരനായാണ് അദ്ദേഹം കളിയ്ക്കാന്‍ ഇറങ്ങിയത്.കഴിഞ്ഞ രണ്ടു തവണയും പ്രീമിയര്‍ ലീഗിന് അടുത്തെത്തി കിരീടം നഷ്ട്ടപ്പെടുത്തിയ ആഴ്സണല്‍ ടീം ഇത്തവണ പതിന്‍മടങ്ങു കരുത്തര്‍ ആയാണ് കളിയ്ക്കാന്‍ വരുന്നത്.
