പ്രീ സീസണ്‍ എല്‍ ക്ലാസിക്കോ ; റയൽ മാഡ്രിഡിനെ പൗ വിക്ടർ ഇരട്ടഗോളിൽ ബാഴ്‌സലോണ പരാജയപ്പെടുത്തി
ന്യൂജേഴ്‌സിയിലെ ഈസ്റ്റ് റഥർഫോർഡിലെ മെറ്റ്‌ലൈഫ് സ്റ്റേഡിയത്തിൽ നടന്ന എല്‍ ക്ലാസിക്കോ മല്‍സരത്തില്‍ ബാഴ്‌സലോണ 2-1ന് റയൽ മാഡ്രിഡിനെ പരാജയപ്പെടുത്തി.രണ്ട് പ്രശസ്ത ലാലിഗ ക്ലബ്ബുകൾ തമ്മിലുള്ള ഏറ്റുമുട്ടൽ പ്രദേശത്തെ ഇടിമിന്നലിനെത്തുടർന്ന് ഒരു മണിക്കൂറിലധികം വൈകി.ചൊവ്വാഴ്ച മാഞ്ചസ്റ്റർ സിറ്റിക്കെതിരെ ഓപ്പണിംഗ് ഗോൾ നേടിയ ശേഷം ഇന്ന് നടന്ന മല്‍സരത്തിലും പൌ വിക്റ്റര്‍ തിളങ്ങിയിരുന്നു.
/cdn.vox-cdn.com/uploads/chorus_image/image/73500345/2164702001.0.jpg)
ബാഴ്സയുടെ രണ്ടു ഗോളുകളും നേടിയത് അദ്ദേഹം തന്നെ ആയിരുന്നു.എതിരാളിയുടെ ബോക്സിന് ഉള്ളില്‍ മികച്ച പൊസിഷനിങ്ങോടെ ഗോളിന് വേണ്ടി കാത്തിരിക്കുന്ന താരം 42 ആം മിനുട്ടില്‍ ലെവന്‍ഡോസ്ക്കി നല്കിയ പാസിലും അത് പോലെ രണ്ടാം പകുതിയില്‍ ആലേക്സ് വേല്‍ നല്കിയ ക്രോസിലുമാണ് ഗോളുകള്‍ കണ്ടെത്തിയത്.82 ആം മിനുട്ടില്‍ നിക്കോ പാസ് ആണ് റയലിന് വേണ്ടി ആശ്വാസ ഗോള്‍ നേടിയത്.പല പ്രമുഖ താരങ്ങള്‍ക്കും വിശ്രമം നല്‍കിയാണ് ഇരു ടീമുകളും ഇന്ന് കളിയ്ക്കാന്‍ ഇറങ്ങിയത്.
