ഒന്നാം സ്ഥാനത്ത് തുടരാനുറച്ച് ഇന്‍റര്‍ മിലാന്
സീരി എ യില്‍ ഇന്ന് മികച്ച പോരാട്ടം.ഒന്നാം സ്ഥാനക്കാര്‍ ആയ ഇന്‍റര്‍ മിലാന് നാലാം പൊസിഷനിലെ ടീം ആയ അറ്റലാന്റ ബിസിയെ നേരിടും.ഇന്ന് ഇന്ത്യന്‍ സമയം രാത്രി പത്തര മണിക്ക് ആണ് മല്‍സരം.അറ്റലാന്റയുടെ തട്ടകമായ ഗെവിസ് സ്റ്റേഡിയത്തില്‍ വെച്ചാണ് മല്‍സരം.
യുവന്‍റ്റസ്,എസ് മിലാന് എന്നിവര്‍ തൊട്ട് പുറകെ ഉള്ളതിനാല്‍ ഇന്നതെ മല്‍സരത്തില്‍ ഇന്‍ററിന് വിജയം നേടിയേ തീരൂ.നിലവിലെ ഇന്‍റര്‍ മിലാന് ടീം മികച്ച ഫോമില്‍ ആണ് മുന്നേറുന്നത്. കരുത്തര്‍ ആയ ബെന്‍ഫിക്ക,എസി മിലാന്, റോമ,സാല്‍സ്ബര്‍ഗ് എന്നിവര്‍ക്കെതിരെ എല്ലാം വിജയം നേടാന്‍ കഴിഞ്ഞു എന്നത് വലിയ നേട്ടം തന്നെ ആണ്.ഇന്നതെ മല്‍സരത്തില്‍ നോക്കിയാലും മേല്‍ക്കൈ അവര്‍ക്ക് തന്നെ ആണ്.ഉറച്ച പ്രതിരോധവും മികച്ച ഫോമില്‍ കളിക്കുന്ന മാര്‍ട്ടിനസ്, തുറം എന്നിവരുടെ സാന്നിധ്യവും ആണ് മിലാന് ആധിപത്യം നല്‍കുന്നത്.ടൈറ്റ് ഡിഫന്‍സ് പൊളിക്കാന്‍ അറ്റ്ലാന്‍റയുടെ മുന്നേറ്റ നിരക്ക് സാധിച്ചാല്‍ മാത്രമേ ആദിഥേയര്‍ക്ക് വിജയം നേടാന്‍ ആകൂ.
