സൂര്യകുമാറിന്റെയും രാഹുലിന്റെയും ചെറുത്ത് നിൽപ്പ്; രണ്ടാം ഏകദിനത്തിൽ വിൻഡീസിന് 238 റൺസിന്റെ വിജയലക്ഷ്യം
വെസ്റ്റ് ഇൻഡീസിനെതിരായ രണ്ടാം ഏകദിനത്തിൽ 238 റൺസിന്റെ വിജയലക്ഷ്യം ഉയർത്തി ടീം ഇന്ത്യ. ടോസ് നഷ്ടപ്പെട്ട ആദ്യം ബാറ്റിംഗിനിറങ്ങിയ ഇന്ത്യ 50 ഓവറില്‍ ഒമ്പത് വിക്കറ്റ് നഷ്ടത്തില്‍ 237 റണ്‍സെടുക്കുകയായിരുന്നു.
പതിവിന് വിപരീതമായി റിഷഭ് പന്തിനെ ഓപ്പണറാക്കി ഇറങ്ങി ഇന്ത്യ നിരാശപ്പെടുത്തിയാണ് തുടങ്ങിയത് തന്നെ. മായകൻ രോഹിത് ശര്‍മയും വിരാട് കോലിയും ഓപ്പണറായി ക്രീസിലെത്തിയ പന്തും നിരാശപ്പെടുത്തിയപ്പോള്‍ സൂര്യകുമാര്‍ യാദവിന്‍റെയും കെഎല്‍ രാഹുലിന്റെയും ബാറ്റിംഗ് മികവിലാണ് ഇന്ത്യ ഭേദപ്പെട്ട സ്കോര്‍ ഉയര്‍ത്തിയത്.
വിന്‍ഡീസിനായി ഒഡീന്‍ സ്മിത്തും അല്‍സാരി ജോസഫും രണ്ട് വിക്കറ്റ് വീതമെടുത്തു. സൂര്യകുമാർ യാദവ് ഇന്ത്യക്കായി 83 പന്തിൽ 64 റൺസ് എടുത്തു മടങ്ങിയപ്പോൾ കെഎൽ രാഹുൽ 48 പന്തിൽ 49 റൺസെടുത്ത് ഔട്ടായി. മികച്ച ഫോമിലായിരുന്ന രാഹുല്‍ റണ്ണൗട്ടായത് ഇന്ത്യക്ക് ഉയർന്ന സ്കോർ കെട്ടിപെടുക്കുന്നതിൽ നിന്നും തടയായി. വാലറ്റത്തെ കൂട്ടുപിടിച്ച് ദീപക് ഹൂഡ പൊരുതി നോക്കിയെങ്കിലും കൂറ്റൻ റൺസ് ഏറെ അകലെയായിരുന്നു.
കരീബിയൻസിനായി അല്‍സാരി ജോസഫും ഒഡീന്‍ സ്മിത്തും രണ്ട് വിക്കറ്റ് വീതം വീഴ്ത്തിയപ്പോള്‍ കെമര്‍ റോച്ചും അക്കീല്‍ ഹൊസൈനും ഫാബിയന്‍ അലനും ഓരോ വിക്കറ്റെടുത്ത് ഭേദപ്പെട്ട പ്രകടനം നടത്തി
