ജർമൻ യുവ സ്‌ട്രൈക്കറെ തേടി ചെൽസി
ചെൽസിക്ക് വേണം ലൂക്കാ വാൾഡ്ഷ്മിറ്റ് എന്ന യുവ ജർമൻ യുവതാരത്തെ. ജർമൻ ദേശീയ ടീമിലെ പുതിയ കളിക്കാരനാണ് ലൂക്കാ വാൾഡ്ഷ്മിറ്റ്. ബുണ്ടസ്‌ലീഗ ക്ലബായ ഫ്രയ് ബുർഗിന്റെ ഈ വിശ്വസ്തൻ ജർമ്മനിയുടെ അണ്ടർ 16 മുതലുള്ള എല്ലാ ടീമിലും അംഗമായിരുന്നു.. ഈ 23 കാരൻ കഴിഞ്ഞ വർഷം മുതൽ ദേശീയ ടീമിലും ഇടം നേടിയിരുന്നു.
അകലങ്ങളിൽ നിന്നുള്ള കിടിലം ഗോളുകളാണ് ലൂക്കായുടെ സവിഷശത. ഈ സീസണിൽ ബുണ്ടസ്‌ലീഗയിൽ മാത്രം 5 ഗോളുകളും 2 അസിസ്റ്റുമായി താരം നിറഞ്ഞു നിൽക്കുകയാണ്. കഴിഞ്ഞ വർഷം ജർമനിയെ ഒറ്റയ്ക്ക് അണ്ടർ 21 യുറോ കപ്പു ഫൈനലിൽ എത്തിച്ചതും ഈ ഫ്രയ്ബുർഗ് കാരനായിരുന്നു. 23 മില്യൺ യുറോ ആണ് ക്ലബ് താരത്തിന്റെ മതിപ്പു വിലയായി ചാർത്തിയിരിക്കുന്നത്.
