ലൈംഗികാതിക്രമക്കേസിൽ വലൻസിയയുടെ റാഫ മിർ അറസ്റ്റിൽ
വലൻസിയ സ്ട്രൈക്കർ റാഫ മിറിനെ ലൈംഗികാതിക്രമത്തിന് സ്പാനിഷ് ഗാർഡിയ സിവിൽ പോലീസ് അറസ്റ്റ് ചെയ്തതായി ക്ലബ് ചൊവ്വാഴ്ച അറിയിച്ചു.അറസ്റ്റിനെക്കുറിച്ച് എല്ലാം അറിയാമെന്നും നീതിന്യായ വ്യവസ്ഥയുമായി സഹകരിക്കുമെന്നും വലൻസിയ പ്രസ്താവനയിൽ പറഞ്ഞു.എന്നാല് ഇതിനെ കുറിച്ച് മീറിന്റെ പ്രതിനിധികള് ഒന്നും തന്നെ പറഞ്ഞില്ല.ആക്രമണത്തിൽ ഉൾപ്പെട്ടതായി ആരോപിക്കപ്പെടുന്ന മറ്റൊരാളെ കൂടി കസ്റ്റഡിയിലെടുത്തിട്ടുണ്ടെന്നും മാധ്യമങ്ങള് പറയുന്നുണ്ട്.
ഫുട്ബോൾ താരത്തിൻ്റെ വീട്ടിൽ ആണ് യുവതിക്ക് ഈ ദുരനുഭവം നേരിടേണ്ടി വന്നത്.താമസസ്ഥലത്ത് വെച്ച് തന്നെയും തൻ്റെ സുഹൃത്തിനെയും മിറും മറ്റൊരാളും ചേർന്ന് ലൈംഗികമായി പീഡിപ്പിച്ചുവെന്ന് യുവതി ആരോപിക്കുന്നു.ആക്രമണത്തിന് ശേഷം യുവതികൾ ആശുപത്രിയിലേക്ക് പോയെന്നും റിപ്പോര്ട്ടില് രേഖപ്പെടുത്തിയിട്ടുണ്ട്.27 കാരനായ മിർ ഈ വേനൽക്കാലത്ത് സെവിയ്യയിൽ നിന്ന് ലോണിൽ വലൻസിയയിൽ ചേർന്നു, ഈ സീസണിൽ ഇതുവരെ ലാലിഗയിലെ അവരുടെ നാല് മത്സരങ്ങളിലും താരം കളിച്ചിട്ടുണ്ട്.മുൻ സ്പെയിൻ അണ്ടർ 21 ഇൻ്റർനാഷണൽ തൻ്റെ സീനിയർ കരിയർ വലൻസിയയിൽ ആരംഭിച്ചു.അദ്ദേഹം അവിടെ അല്ലാതെ വോൾവ്സ്, ലാസ് പാൽമാസ്, നോട്ടിംഗ്ഹാം ഫോറസ്റ്റ്, ഹ്യൂസ്ക എന്നീ ക്ലബുകളിലും കളിച്ചിട്ടുണ്ട്.
