ഇപ്‌സ്‌വിച്ചിൽ മക്കെന്ന പുതിയ 4 വർഷത്തെ കരാർ ഒപ്പിട്ടു
ഇപ്‌സ്‌വിച്ച് ടൗണിൽ നാല് വർഷത്തെ കരാർ നീട്ടിയതായി മാനേജര്‍ കീറൻ മക്കന്ന വ്യാഴാഴ്ച പ്രസ്താവനയിൽ സ്ഥിരീകരിച്ചു.2021-ൽ അദ്ദേഹം വന്നതിനു ശേഷം ആദ്യമായി ഇപ്‌സ്‌വിച്ചിൻ്റെ പ്രീമിയർ ലീഗിലേക്കുള്ള തിരിച്ചുവരവിന് മക്കെന്ന മേൽനോട്ടം വഹിച്ചു.ചെൽസി, ബ്രൈറ്റൺ, മാഞ്ചസ്റ്റർ യുണൈറ്റഡ് എന്നിവിടങ്ങളിലെ മാനേജർ സ്ഥാനത്തിന് വേണ്ടി പലരും അദ്ദേഹവുമായി ചര്‍ച്ച നടത്തിയിരുന്നു.
മുൻ ടോട്ടൻഹാം മിഡ്ഫീൽഡർ 2016 ഓഗസ്റ്റിൽ അണ്ടർ 18 കോച്ചായി തൻ്റെ കോച്ചിംഗ് കരിയർ ആരംഭിച്ചു.2018 സീസണിന് മുന്നോടിയായുള്ള ആദ്യ ടീമിനൊപ്പം ജോസ് മൗറീഞ്ഞോയുടെ ബാക്ക്റൂം സ്റ്റാഫായി അദ്ദേഹത്തിന് സ്ഥാന കയറ്റം ലഭിച്ചു.മൗറീഞ്ഞോയെ പുറത്താക്കിയതിന് ശേഷം, 2021 അവസാനം വരെ ഒലെ ഗുന്നർ സോൾസ്‌ജെറിന് കീഴില്‍ അദ്ദേഹം പ്രവര്‍ത്തിച്ചു. “ക്ലബ്ബുമായി ഒരു പുതിയ കരാർ ഒപ്പിട്ടതിൽ ഞാൻ അങ്ങേയറ്റം സന്തോഷവാന്‍ ആണ്.കഴിഞ്ഞ രണ്ട് സീസണുകളിൽ ഞങ്ങൾ ഒരുമിച്ച് അവിശ്വസനീയമായ വിജയം ആസ്വദിച്ചു, 22 വർഷത്തിന് ശേഷം പ്രീമിയർ ലീഗിലെ ആദ്യ സീസണിലേക്ക് ഈ മികച്ച ക്ലബ്ബിനെ നയിക്കാനുള്ള അവസരവും ഉത്തരവാദിത്തവും ലഭിച്ചതിൽ ഞാൻ കൃതാര്‍ത്തന്‍ ആണ്.”മക്കെന്ന മാധ്യമങ്ങളോട് പറഞ്ഞു.
