റയൽ മാഡ്രിഡിൻ്റെ ജൂഡ് ബെല്ലിംഗ്ഹാം ലാലിഗ പ്ലെയർ ഓഫ് ദി സീസൺ !!!!!!!!!!
ക്ലബ്ബിനെ 36-ാം ലീഗ് കിരീടത്തിലേക്ക് നയിക്കുന്നതിൽ നിർണായക പങ്കുവഹിച്ച റയൽ മാഡ്രിഡ് മിഡ്ഫീൽഡർ ജൂഡ് ബെല്ലിംഗ്ഹാം ലാലിഗയുടെ പ്ലെയർ ഓഫ് ദി സീസൺ ആയി തിരഞ്ഞെടുക്കപ്പെട്ടു.ആരാധകരും ക്ലബ് ക്യാപ്റ്റൻമാരും വിദഗ്‌ധരും ചേർന്ന് നടത്തിയ വോട്ടെടുപ്പിൽ 20 കാരനായ ബെല്ലിംഗ്ഹാം ടീം സഹതാരം വിനീഷ്യസ് ജൂനിയർ, അൻ്റോയിൻ ഗ്രീസ്മാൻ (അറ്റ്‌ലറ്റിക്കോ മാഡ്രിഡ്), ആർടെം ഡോവ്‌ബിക് (ജിറോണ), റോബർട്ട് ലെവൻഡോസ്‌കി (ബാഴ്‌സലോണ) എന്നിവരെ പിന്തള്ളിയാണ് അവാര്‍ഡിന് അര്‍ഹന്‍ ആയത്.
ഈ സീസണിൽ 28 ലീഗ് മത്സരങ്ങളിൽ നിന്ന് 19 ഗോളുകളും ആറ് അസിസ്റ്റുകളും നേടിയ അദ്ദേഹം ക്ലബ്ബിനായി എല്ലാ ടൂര്‍ണമെന്റില്‍ നിന്നും 23 ഗോളുകളും 12 അസിസ്റ്റുകളും നേടി.തൻ്റെ മുൻ ക്ലബ് ബൊറൂസിയ ഡോർട്ട്മുണ്ടിനെതിരെ വെംബ്ലിയിൽ ചാമ്പ്യൻസ് ലീഗ് ഫൈനലിന് തയ്യാറെടുക്കുന്നതിനിടെ സാർഡിനിയയിൽ ചൊവ്വാഴ്ച നടന്ന ചടങ്ങിൽ പങ്കെടുക്കാൻ കഴിയാതിരുന്ന ബെല്ലിംഗ്ഹാം, അവാർഡ് ലഭിച്ചതിൽ തനിക്ക് അഭിമാനമുണ്ടെന്ന് പറഞ്ഞു.ഏകദേശം 103 മില്യൺ യൂറോയ്ക്ക് റയലിലേക്ക് മാറുന്നതിന് മുമ്പ് ഇംഗ്ലണ്ട് ഇൻ്റർനാഷണൽ ഡോർട്ട്മുണ്ടിനായി കളിക്കുന്ന സമയത്ത് 2022-23 ബുണ്ടസ്‌ലിഗ പ്ലെയർ ഓഫ് ദി സീസൺ അവാര്‍ഡും അദ്ദേഹം നേടിയിട്ടുണ്ട്.
