വിമര്‍ശകര്‍ക്കുള്ള മറുപടി നല്കി കരിം ബെൻസെമ
സൗദി പ്രോ ലീഗ് ടീമായ അൽ ഇത്തിഹാദിലേക്ക് മാറിയതിനുശേഷം കരിം ബെൻസെമ തൻ്റെ പ്രകടനത്തെ വിമർശിക്കുന്നവരെ തിരിച്ചടിച്ചു, തനിക്ക് സഹായം ആവശ്യമാണെന്നും ഒറ്റയ്ക്ക് ഗെയിമുകൾ ജയിക്കാൻ കഴിയില്ലെന്നും അദ്ദേഹം പറഞ്ഞു.മുൻ ബാലൺ ഡി ഓർ ജേതാവ് കഴിഞ്ഞ സമ്മറില്‍ ആണ് സൌദി ലീഗിലേക്ക് പോയത്.സൗദിയിലെ തൻ്റെ ആദ്യ സീസണിൽ 20 ലീഗ് മത്സരങ്ങളിൽ നിന്ന് ഒമ്പത് ഗോളുകൾ മാത്രമാണ് അദ്ദേഹത്തിന് നേടാനായത്.
“എനിക്ക് പിച്ചിൽ സഹായം വേണം, എനിക്ക് ഒറ്റയ്ക്ക് ഒരു കളി ജയിക്കാൻ കഴിയില്ല.ബോക്സില്‍ 1 ടു 1 കളിയ്ക്കാന്‍ ഒരു താരത്തിനെ വേണം.അതുപോലെ എനിക്ക് ഒരുപാട് കാര്യങ്ങൾ ആവശ്യമുണ്ട്.ഇത് സൗദിയിലെ എൻ്റെ ആദ്യ സീസണാണ്. സീസൺ നന്നായി പൂർത്തിയാക്കുമെന്ന് ഞാൻ പ്രതീക്ഷിക്കുന്നു.ടീമിന് വേണ്ടി ഒരു ട്രോഫി എങ്കിലും നേടണം എന്നു ഞാന്‍ ആഗ്രഹിക്കുന്നു.”താരം സൌദി മാധ്യമങ്ങളുടെ അടുത്തു പറഞ്ഞു.36 കാരനായ ബെൻസെമ കഴിഞ്ഞ വേനൽക്കാലത്ത് 400 മില്യൺ യൂറോ മൂല്യമുള്ള കരാറില്‍ ഒപ്പ് വെച്ചാണ് സൌദി ലീഗിലേക്ക് പോയത്.മൂന്നു വര്‍ഷം ആണ് കരാര്‍ കാലാവധി.
