മൗറിസിയോ സാരി ലാസിയോയുടെ പരിശീലക സ്ഥാനം രാജിവച്ചു
ക്ലബ് മാനേജ്‌മെൻ്റിന് രാജി നോട്ടീസ് കൈമാറി, ലാസിയോയിൽ നിന്ന് വിരമിച്ച് മൗറിസിയോ സാരി.തിങ്കളാഴ്ച വൈകുന്നേരം തരംതാഴ്ത്തൽ സ്ഥാനാർത്ഥികളായ ഉഡിനീസിനോട് ടീം 2-1 ന് തോറ്റതിന് ശേഷം മുന്‍ യൂവേ കോച്ച് താരങ്ങളുമായി വളരെ പ്രകോപനപരമായി സംസാരിച്ചു.അതിനു ശേഷം താന്‍ ഇവിടെ തുടരണോ എന്ന ചോദ്യത്തിന് അവരാരും മറുപടി പറയാത്തത് അദ്ദേഹത്തിനെ ക്ലബ് വിട്ട് ഇറങ്ങാന്‍ പ്രേരിപ്പിച്ചു.
സീസണിലെ ശേഷിക്കുന്ന 10 സീരി എ മത്സരങ്ങൾക്കും യുവൻ്റസുമായുള്ള അവരുടെ കോപ്പ ഇറ്റാലിയ സെമി ഫൈനൽ പോരാട്ടത്തിനും ലാസിയോക്ക് ഇനി ഒരു മാനേജരെ ആവശ്യം ഉണ്ട്.ആരെ സൈന്‍ ചെയ്യും എന്ന തീവ്ര ചര്‍ച്ചയില്‍ ആണ് മാനേജ്മെന്‍റ്.തൻ്റെ മൂന്ന് വർഷത്തിനിടെ ലാസിയോയിൽ 137 മത്സരങ്ങൾ സാരി മേൽനോട്ടം വഹിച്ചു, 65 വിജയങ്ങളും 30 സമനിലകളും 42 തോൽവികളും അദ്ദേഹം ഈ കാലയളവിന് ഉള്ളില്‍ നേടി എടുത്തു.
