ഐഎസ്എല് : മോഹന് ബഗാന് മണി കെട്ടാന് ബ്ലാസ്റ്റേഴ്സ് !!!
വിവേകാനന്ദ യുബ ഭാരതി ക്രിരംഗൻ സ്റ്റേഡിയത്തിൽ ഇന്ന് ആവേശപോരാട്ടം.ഐഎസ്എലില് ഇന്ന് കേരള ബ്ലാസ്റ്റേഴ്സ് എഫ്സി – മോഹൻ ബഗാൻ സൂപ്പർ ജയന്റ്സ് പോരാട്ടം.കഴിഞ്ഞ രണ്ട് മത്സരങ്ങളിൽ തുടര്ച്ചയായി തോല്വി നേരിട്ടിരിക്കുന്ന ഈ മോഹന് ബഗാന് ടീം അല്പം സമ്മര്ദത്തില് ആണ്.തുടര്ച്ചായി ജയങ്ങള് നേടി വരുന്ന സമയത്ത് ഈ ഒരു അവസ്ഥ തങ്ങളെ ബാധിക്കും എന്നു സ്വപ്നത്തില് പോലും അവര് കരുതി കാണില്ല.
![](https://www.indiansuperleague.com/static-assets/waf-images/85/2b/06/16-9/q8CzxVp8MM.png?v=100.34&w=1200)
ഇന്ന് ജയം നേടി ലീഗ് പട്ടികയില് മൂന്നാം സ്ഥാനത്തേക്ക് എത്താനുള്ള ലക്ഷ്യത്തില് ആണ് മാനേജര് ജുവാൻ ഫെറാൻഡോയും താരങ്ങളും.മറുവശത്ത് കേരള ബ്ലാസ്റ്റേഴ്സ് തിരികെ ഫോമിലേക്ക് മടങ്ങി വരുന്ന കാഴ്ച്ചയാണ് കാണുന്നത്അഡ്രിയാന് ലൂണയുടെ അഭാവത്തിലും തുടര്ച്ചയായി ഗോളുകള് കണ്ടെത്താന് ഈ ടീമിന് കഴിയുന്നുണ്ട്.കഴിഞ്ഞ മല്സരത്തില് തോല്വിയെ നേരിടാത്ത മുംബൈ ടീമിനെ നിശബ്ദമാക്കി മൂന്നു പോയിന്റ് നേടാന് കേരള ടീമിന് കഴിഞ്ഞിരുന്നു.ഐഎസ്എല് ആരംഭിച്ച് ഈ രണ്ടു ടീമുകള് ഏറ്റുമുട്ടുന്നത് ഇതാദ്യം ആയാണ്.മല്സരത്തിലെ വിജയി ആര് എന്നു പ്രവചിക്കുക കഷ്ടം ആണ് എങ്കിലും നിലവിലെ സാഹചര്യങ്ങള് കണക്കില് എടുത്ത് മേല്ക്കൈ ഇവാൻ വുകോമനോവിച്ച് നയിക്കുന്ന ബ്ലാസ്റ്റേഴ്സിന് തന്നെ ആണ്.