ഏകദിന ലോകകപ്പ് : നെതർലൻഡ്‌സിനെ തോൽപ്പിച്ച് രണ്ടാം ജയം സ്വന്തമാക്കി ന്യൂസിലൻഡ്
തിങ്കളാഴ്ച നടന്ന ഐസിസി ലോകകപ്പിൽ നെതർലൻഡ്‌സിനെ 99 റൺസിന് തകർത്ത് ന്യൂസിലൻഡ് രണ്ടാം ജയം സ്വന്തമാക്കി. 323 റൺസിന്റെ കൂറ്റൻ വിജയലക്ഷ്യം പിന്തുടർന്ന ഡച്ച് 46.3 ഓവറിൽ 223 റൺസിന് പുറത്തായി. മിച്ചൽ സാന്റ്നർ ആണ് നെതർലൻഡ്‌സിനെ തകർത്തത്.
323 റൺസ് പിന്തുടർന്ന ഡച്ച് ടീമിന് തുടക്കം തന്നെ പിഴച്ചു. ഓപ്പണർമാർ പെട്ടെന്ന് നഷ്ട്ടമായെങ്കിലും കോളിൻ ടീമിനെ മുന്നൂറ്റ നയിച്ചു. ഒരറ്റത്ത് വിക്കറ്റ് വീഴുമ്പോഴും അദ്ദേഹം മികച്ച പ്രകടനം നടത്തി. എന്നാൽ മികച്ച ഒരു കൂട്ടുകെട്ടുണ്ടാക്കാൻ നെതർലൻഡ്‌സിന് കഴിഞ്ഞില്ല. ഇത് ടീമിന് തിരിച്ചടിയായി. കോളിൻ 73 പന്തിൽ നിന്ന് 69 റൺസ് നേടി. നായകൻ സ്‌കോട്ട് 30 റൺസ് നേടി. ന്യൂസിലൻഡിന് വേണ്ടി മിച്ചൽ സാന്റ്നർ അഞ്ച് വിക്കറ്റ് നേടിയപ്പോൾ മാറ്റ് ഹെൻറി മൂന്ന് വിക്കറ്റ് സ്വന്തമാക്കി.
വിൽ യങ്, രച്ചിൻ രവീന്ദ്ര, ക്യാപ്റ്റൻ ടോം ലതാം എന്നിവരുടെ അർദ്ധ സെഞ്ചുറികളാണ് നെതർലൻഡിനെതിരെ ന്യൂസിലൻഡിനെ 322/7 എന്ന നിലയിൽ എത്തിച്ചത്.
മികച്ച തുടക്കമാണ് ന്യൂസിലൻഡിന് ലഭിച്ചത്. ഓപ്പണർമാരായ ഡെവൺ കോൺവേയും വിൽ യങ്ങും 67 റൺസ് കൂട്ടിച്ചേർത്തു. കോൺവേ 32 റൺസ് നേടി. യംഗും (70) റാച്ചിനും (51) രണ്ടാം വിക്കറ്റിൽ 77 റൺസ് കൂട്ടിച്ചേർത്തു. ലാഥം 53 റൺസുമായി പുറത്തായപ്പോൾ മിച്ചൽ സാന്റ്‌നറുടെ 17 പന്തിൽ 36* ആണ് കിവീസിനെ 320 റൺസ് കടത്തിയത്.
