ലോക ബോക്‌സിംഗ് ചാമ്പ്യൻഷിപ്പ്: 57 കിലോഗ്രാം ഒന്നാം റൗണ്ടിൽ മുഹമ്മദ് ഹുസാമുദ്ദീന് ജയം
ഫെതർ വെയ്റ്റ് വിഭാഗത്തിൽ പുരുഷന്മാരുടെ 57 കിലോഗ്രാം ഒന്നാം റൗണ്ട് മത്സരത്തിൽ മാസിഡോണിയയുടെ അലൻ റസ്റ്റെമോവ്‌സ്‌കിക്കെതിരെ മികച്ച വിജയം നേടി പരിചയസമ്പന്നനായ ബോക്‌സർ മുഹമ്മദ് ഹുസാമുദ്ദീൻ തന്റെ ക്ലാസ് കാണിച്ചു.
2018 ലെ കോമൺ‌വെൽത്ത് ഗെയിംസിൽ വെങ്കലവും കെമിസ്ട്രി കപ്പിൽ സ്വർണവും നേടിയതിന് ശേഷം ഗീ ബീ ബോക്‌സിംഗ് ടൂർണമെന്റിൽ വെള്ളിയും നേടി ഹുസാമുദ്ദീൻ 2019-ലും തിളങ്ങി. 2021 മാർച്ചിൽ ബോക്സാം ഇന്റർനാഷണലിൽ വെള്ളിയും 2022 ലെ സിഡബ്ള്യുജി , ഏഷ്യൻ ചാമ്പ്യൻഷിപ്പുകളിൽ വെങ്കലവും നേടി.
60 കിലോഗ്രാം വിഭാഗത്തിൽ വരീന്ദർ സിംഗ് ഉസ്‌ബെക്കിസ്ഥാന്റെ മുജിബില്ലോ തുർസുനോവിനെതിരെ മത്സരിക്കും. ചൊവ്വാഴ്ച നടക്കുന്ന 80 കിലോഗ്രാം ഓപ്പണിംഗ് റൗണ്ടിൽ ടോക്കിയോ ഒളിമ്പ്യനും 2019ലെ ഏഷ്യൻ ചാമ്പ്യൻഷിപ്പിൽ വെള്ളിമെഡൽ ജേതാവുമായ ആശിഷ് ചൗധരി ഇറാന്റെ മെയ്സം ഗെഷ്‌ലാഗിയെ നേരിടും.
