ഗ്ലാഡ്ബാക്കിൽ നിന്ന് യാൻ സോമറിനെ സൈൻ ചെയ്ത് ബയേണ് മ്യൂണിക്ക്
ആഴ്ചകൾ നീണ്ട കാത്തിരിപ്പിന് ശേഷം ഒടുവിൽ ബയേൺ മ്യൂണിക്കും ബൊറൂസിയ മോൺചെൻഗ്ലാഡ്ബാച്ചും ഗോൾകീപ്പർ യാൻ സോമറിനെ ബവേറിയയിലേക്ക് മാറ്റാൻ അനുവദിക്കുന്ന ഒരു കരാറിന് സമ്മതിച്ചിരിക്കുന്നു.സ്റ്റാർട്ടർ മാനുവൽ ന്യൂയറിന്റെ കാല് ഒടിഞ്ഞതോടെ ഒരു വേള്ഡ് ക്ലാസ് ഗോള് കീപ്പറെ സൈന് ചെയ്യുകയല്ലാതെ മറ്റൊരു വഴിയും ബയേണിന് മുന്നില് ഉണ്ടായിരുന്നില്ല.എട്ട് മില്യണ് യൂറോയാണ് ആണ് താരത്തിന് വേണ്ടി ബയേണ് ചിലവാക്കിയത്.
ബ്ലിക് ജേണലിസ്റ്റ് ആൻഡ്രിയാസ് ബോണി പറയുന്നതനുസരിച്ച്, സോമറിന്റെ മെഡിക്കൽ പരിശോധന മാത്രമേ ബാക്കിയുള്ളൂ.ലോണില് കളിക്കുന്ന അലക്സാണ്ടർ നൂബെലിനോട് എഎസ് മൊണാക്കോയിൽ നിന്ന് മടങ്ങിവരാൻ ബയേണ് പറഞ്ഞു എങ്കിലും താരത്തിനെ വിടാന് ഫ്രഞ്ച് ക്ലബ് തയ്യാറായിരുന്നില്ല.അതോടെ ബയേൺ മ്യൂണിക്ക് സോമറിനു വേണ്ടി കടുത്ത പരിശ്രമം നടത്തി.ബുണ്ടസ്ലിഗയുമായുള്ള അദ്ദേഹത്തിന്റെ പരിചയം, ജർമ്മൻ സംസാരിക്കാനുള്ള കഴിവ്, വലിയ ഗെയിമുകളിലെ പ്രകടനങ്ങൾ,പന്ത് കൊണ്ട് നീക്കങ്ങള് നടത്താന് ഉള്ള കഴിവ് എന്നിവ പരിഗണിച്ചാണ് ബയേണ് മ്യൂണിക്ക് സ്വിസ്സ് താരത്തിനെ സൈന് ചെയ്തത്.