ക്രിസ്റ്റ്യാനോ റൊണാൾഡോ വർഷാവസാനത്തോടെ അൽ-നാസർ നീക്കം പൂർത്തിയാക്കും എന്ന് റിപ്പോര്‍ട്ട് നല്‍കി മാഡ്രിഡ്‌ കായിക മാധ്യമമായ മാര്‍ക്ക
പോർച്ചുഗൽ താരം ക്രിസ്റ്റ്യാനോ റൊണാൾഡോ ഈ കലണ്ടർ വർഷാവസാനത്തോടെ അൽ-നാസറിലേക്കുള്ള ഒരു നീക്കം പൂർത്തിയാക്കാൻ ഒരുങ്ങുന്നതായി റിപ്പോർട്ട്.പിയേഴ്‌സ് മോർഗനുമായുള്ള അഭിമുഖം പ്രസിദ്ധീകരിച്ചതിനെത്തുടർന്ന് 37-കാരന്റെ മാഞ്ചസ്റ്റർ യുണൈറ്റഡിലെ ഹ്രസ്വമായ രണ്ടാം സ്പെല്‍ കയ്പേറിയ രീതിയില്‍ അവസാനിച്ചിരുന്നു.
പോർച്ചുഗൽ ലോകക്കപ്പില്‍ നിന്ന് പുറത്തായത് മുതൽ, ഫോർവേഡ് തന്റെ അടുത്ത കരിയർ നീക്കത്തിന് മുന്നോടിയായി റയൽ മാഡ്രിഡിന്റെ പരിശീലന കേന്ദ്രങ്ങളില്‍ പോയി ഫിറ്റ്നസ് നിലനിർത്തുന്നുണ്ട്, സൗദി അറേബ്യൻ ഭീമൻമാരായ അൽ-നാസർ അദ്ദേഹത്തെ സൈൻ ചെയ്യാനുള്ള സാധ്യതയുള്ളവരില്‍ ഒരാളായി കണക്കാക്കപ്പെടുന്നു.ഈ വർഷാവസാനത്തോടെ 37-കാരൻ അൽ-നാസറിലേക്കുള്ള ഒരു ട്രാൻസ്ഫർ പൂർത്തിയാക്കുമെന്നും 2025 വേനൽക്കാലം വരെ രണ്ടര വർഷത്തെ കരാറില്‍ അദ്ദേഹം ഒപ്പിടുമെന്നും സ്പാനിഷ് മാധ്യമമായ മാര്‍ക്ക റിപ്പോര്‍ട്ട് ചെയ്തിട്ടുണ്ട്.സൗദി ഭീമൻമാരില്‍ നിന്ന് ഒരു ഡീല്‍ പൂര്‍ത്തിയാവും വരെ റൊണാൾഡോ ഇപ്പോൾ ദുബായിൽ തുടരുകയാണെന്നും റിപ്പോര്‍ട്ട് കൂട്ടിച്ചേര്‍ക്കുന്നു.
