ഫോർവേഡ് ദുസാൻ വ്ലഹോവിച്ചിനെ വില്ക്കാന് ഒരുങ്ങി യുവന്റ്റസ് ; ബിഡ് നല്കാന് തീരുമാനിച്ച് ചെല്സി
അടുത്ത വർഷം ദുസാൻ വ്ലഹോവിച്ചിനെ യുവന്റ്റസ് പുറത്താക്കാന് ഒരുങ്ങുന്നു എന്ന വാര്ത്ത ഒരു ശുഭ സൂചകമായി ചെല്സി കരുതുന്നു.2022 ജനുവരിയിൽ ടൂറിനില് ചേര്ന്ന താരം 36 മത്സരങ്ങളിൽ നിന്ന് 16 ഗോളുകൾ നേടിയിട്ടുണ്ട്.താരം യുവേ ഷര്ട്ടില് മികച്ച ഫോമില് കളിക്കുന്നുണ്ട് എങ്കിലും ഇറ്റാലിയൻ ക്ലബിനെ ഉപേക്ഷിക്കാന് ആണ് താരം ആഗ്രഹിക്കുന്നത്.
സാമ്പത്തിക ക്രമക്കേടുകളെക്കുറിച്ചുള്ള അന്വേഷണത്തെത്തുടർന്ന് മുഴുവൻ യുവന്റസ് ബോർഡും അടുത്തിടെ രാജിവച്ചു.അങ്ങനെ ഇരിക്കെ നല്ലൊരു തുക ലഭിക്കുകയാണെങ്കില് വ്ലഹോവിച്ചിനെ ഈ ജനുവരിയില് തന്നെ വിറ്റ് പണം നേടാന് ആണ് ക്ലബ് തീരുമാനിച്ചിരിക്കുന്നത്.കാൽമുട്ടിന് ഗുരുതരമായി പരിക്കേറ്റ അർമാൻഡോ ബ്രോജ സീസൺ മുഴുവൻ പുറത്തിരിക്കുമെന്ന വാർത്തയെത്തുടർന്ന് ഒരു സ്ട്രൈക്കറെ സൈൻ ചെയ്യാൻ ചെൽസി താൽപ്പര്യം പ്രകടിപ്പിക്കുന്നുണ്ട്.എന്നാല് താരത്തിന്റെ ഒപ്പ് കരസ്ഥമാക്കാന് ബയേൺ മ്യൂണിക്ക്, ലിവർപൂൾ, പാരീസ് സെന്റ് ജെർമെയ്ൻ,ആഴ്സണല് എന്നിവരും താല്പര്യപ്പെടുന്നുണ്ട് എന്നതിനാല് താരത്തിന്റെ ഒപ്പ് കരസ്ഥമാക്കാന് ചെല്സി നന്നേ പാടുപ്പേടെണ്ടി വരും.