ഇപ്പോൾ ഞങ്ങളെ വിലയിരുത്തുന്നത് ശരിക്കും അന്യായം – ക്ലോപ്
2022-23 കാമ്പെയ്നിലേക്കുള്ള മോശം തുടക്കത്തിന് ശേഷം തന്റെ ടീമിനെ ഇപ്പോള് തന്നെ വിലയിരുത്തുന്നത് അന്യായമാണെന്ന് ലിവർപൂൾ മാനേജർ യൂർഗൻ ക്ലോപ്പ്.ജൂലൈ 30ന് നടന്ന കമ്മ്യൂണിറ്റി ഷീൽഡിൽ മാഞ്ചസ്റ്റർ സിറ്റിയെ 3-1ന് തോൽപ്പിച്ച് റെഡ്സ് തങ്ങളുടെ സീസൺ ഗംഭീരമായി ആരംഭിച്ചു.എന്നാല് അവിടെ നിന്ന് തുടങ്ങി ലിവര്പൂളിന്റെ പതനം.
പന്ത്രണ്ടു മത്സരങ്ങളില് നാല് ജയം,തോല്വി,സമനില എന്നിങ്ങനെ നേടിയ ലിവര്പൂള് നിലവില് ഒമ്പതാം സ്ഥാനത്താണ്.”ഞങ്ങള് ചെയ്യുന്ന കഠിന പ്രയത്നം എല്ലാവരും കാണുന്നുണ്ട്.എല്ലാവരും ഇങ്ങനെ പറയുന്നത് ശരിക്കും വിഷമകരം ആണ്.മുന്നേറ്റനിരയിലെ പലരും ഇപ്പോള് ഞങ്ങളോടൊപ്പം ഇല്ല.സീസണ് അവസാനിക്കുമ്പോള് നിങ്ങള് പറഞ്ഞോള്ളു.ഇപ്പോള് തന്നെ ഞങ്ങളെ വിലയിരുത്തുന്നത് മോശമായ കാര്യം ആണ്.”ചൊവ്വാഴ്ച യുവേഫ ചാമ്പ്യൻസ് ലീഗിൽ നാപോളിക്ക് മുന്നേ മാധ്യമങ്ങളോട് സംസാരിച്ച ക്ലോപ്പ് വെളിപ്പെടുത്തി.