ചാമ്പ്യന്സ് ലീഗിലേക്കുള്ള ഗ്രൂപ്പ് ഘട്ടം , യുവേഫ നറുക്കെടുപ്പ് ഇന്ന്
ഈ സീസണിലെ ചാമ്പ്യന്സ് ലീഗ് ഗ്രൂപ്പ് ഘട്ടത്തിനായുള്ള നറുക്കെടുപ്പ് തുർക്കിയിലെ ഇസ്താംബൂളിൽ വെച്ചു നടക്കും.ഇന്ത്യന് സമയം ഒന്പതര മണിക്ക് ആണ് ചടങ്ങ്.യുസിഎല് ഗ്രൂപ്പ് സ്റ്റേജ് മത്സരങ്ങൾ സെപ്റ്റംബർ 6 ന് ആരംഭിച്ച് നവംബർ 2 ന് അവസാനിക്കും.15 വ്യത്യസ്ത രാജ്യങ്ങളിൽ നിന്നുള്ള 32 ടീമുകൾ ഹോം ആൻഡ് എവേ റൗണ്ട് മത്സരങ്ങളില് പരസ്പരം ഏറ്റുമുട്ടും.
ഒരേ രാജ്യത്തു നിന്നുള്ള ടീമുകൾക്ക് ഒരേ ഗ്രൂപ്പിൽ ആയിരിക്കാൻ കഴിയില്ല എന്ന നിയമം യുവേഫ വളരെ കര്ശനമായി തുടരുന്നു.ഓരോ ഗ്രൂപ്പില് നിനും രണ്ടു ടീമുകള് അടുത്ത നോക്കൌട്ട് റൌണ്ടിലേക്ക് കടക്കും.നവംബർ 20-ന് ഖത്തറിൽ ലോകകപ്പ് ആരംഭിക്കുന്നതിനാൽ ആണ് ഈ ചാമ്പ്യൻസ് ലീഗ് ഗ്രൂപ്പുകൾ പതിവിലും നേരത്തെ സെപ്റ്റംബർ 6-ന് ആരംഭിക്കുന്നത്. അടുത്ത വര്ഷം 16-ാം റൗണ്ട് ഫെബ്രുവരി 14-ന് ആണ് നോക്കൌട്ട് മത്സരങ്ങള് ആരംഭിക്കാന് പോകുന്നത്.