എസി മിലാൻ ചെൽസി വിങ്ങർ ഹക്കിം സിയെച്ചിനായി വീണ്ടും ചർച്ചകൾ ആരംഭിക്കുന്നു
ഹക്കിം സിയെച്ചിന്റെ സാധ്യതയുള്ള നീക്കത്തെക്കുറിച്ച് എസി മിലാനും ചെൽസിയും തമ്മിൽ വീണ്ടും ചർച്ചകൾ ആരംഭിച്ചതായി റിപ്പോർട്ട്.2020-ൽ വെസ്റ്റ് ലണ്ടനിൽ എത്തിയതിനുശേഷം, കഴിഞ്ഞ രണ്ട് സീസണുകളിലായി 29 പ്രീമിയർ ലീഗ് മത്സരങ്ങൾ മാത്രം കളിച്ച സിയെച്ച് നിലവില് ടുഷലിന്റെ ഗെയിം പ്ലാനില് ഇല്ല എന്നത് വ്യക്തം ആണ്.റഹീം സ്റ്റെർലിംഗിന്റെ വരവും കൂടി ആയതോടെ ചെൽസിയില് ഇനി ഒരു ഭാവി സിയെച്ചിനു ഇല്ല.
മുൻ അയാക്സ് കളിക്കാരനു വേണ്ടി അന്വേഷണം നടത്തിയത് ആകെ എസി മിലാന് മാത്രമാണ്. എന്നാൽ ഒരു നീക്കത്തെക്കുറിച്ചുള്ള ചർച്ചകൾ കഴിഞ്ഞ കുറച്ച് ആഴ്ചകളായി ഉണ്ടായിട്ടില്ല. എന്നാല് അത് ഇപ്പോള് പുനരാരംഭിച്ചു എന്ന വാര്ത്ത താരത്തിനു ആശ്വാസം പകരുന്നു.മൂന്ന് വർഷം കരാർ ബാക്കിയുള്ള അദ്ദേഹത്തിന് എസി മിലാനില് പോകുന്നതോടെ മുന് ചെല്സി താരങ്ങള് ആയ ഫിക്കായോ ടോമോറി, ഒലിവിയർ ജിറൂഡ് എന്നിവരോടൊപ്പം കളിക്കാനായേക്കും.