റോബർട്ട് ലെവൻഡോസ്‌കിക്ക് ബയേൺ മ്യൂണിക്ക് ആരാധകരിൽ നിന്ന് വധഭീഷണി
ജർമ്മനിയിലുടനീളമുള്ള വിവിധ ആരാധകരിൽ നിന്ന് വധഭീഷണി ഉൾപ്പെടെയുള്ള അക്രമാസക്തമായ സന്ദേശങ്ങൾ ലെവൻഡോവ്‌സ്‌കിയുടെ കുടുംബത്തിന് ലഭിച്ചിട്ടുണ്ടെന്ന് പ്രാദേശിക ജർമ്മൻ വാർത്താ ഔട്ട്‌ലെറ്റ് എൻടിവി റിപ്പോര്‍ട്ട് ചെയ്യുന്നു.ബയേണിനെതിരെയുള്ള ശക്തമായ പരസ്യപ്രസ്താവന താരം നടത്തിയത് ആരാധകരും അത് പോലെ ക്ലബിലെ ഉന്നതര്‍ പോലും വിമര്‍ശിച്ചിരുന്നു.
അത്തരം വധഭീഷണികളെക്കുറിച്ച് ലെവൻഡോവ്സ്കി പരസ്യമായി സ്ഥിരീകരിച്ചിട്ടില്ലെങ്കിലും, ഫോർവേഡ് തന്റെ ഭാര്യ അന്ന ലെവൻഡോവ്സ്കയെയും അവരുടെ രണ്ട് പെൺമക്കളെയും മല്ലോർക്കയിലെ അവരുടെ അവധിക്കാല വസതിയിൽ ആണ് താമസിപ്പിച്ചിരിക്കുന്നത്.എല്ലാ പ്രശ്നങ്ങളും ഒതുങ്ങാന്‍ വേണ്ടി കാത്തിരിക്കുകയാണ് കുടുംബം എന്നാണു പറയപ്പെടുന്നത്. ട്രാൻസ്ഫർ സാഗ ഒരു നിഗമനത്തിലെത്തുന്നത് വരെ, പ്രൊഫഷണലായി തുടരുമെന്ന് ലെവൻഡോവ്സ്കി പറഞ്ഞിരുന്നു.ബയേണിനായുള്ള തന്റെ പ്രീ-സീസൺ തയ്യാറെടുപ്പുകൾ ആരംഭിക്കുന്നതിതിന് താരം ഇന്ന് മ്യൂണിക്കിലെ ഒരു ആശുപത്രിക്ക് പോയി എന്നും വാര്‍ത്തയില്‍ ഉണ്ടായിരുന്നു.
