30 വയസ്സുള്ള മുന് ആഴ്സണല് താരം ജാക്ക് വിൽഷെർ ഫുട്ബോളിൽ നിന്ന് വിരമിച്ചു
വെള്ളിയാഴ്ച ഉച്ചതിരിഞ്ഞ്, മുൻ വെസ്റ്റ് ഹാം താരം താൻ ബൂട്ട് അഴിക്കുകയാണ് എന്ന് സ്ഥിരീകരിച്ചു കൊണ്ട് സോഷ്യൽ മീഡിയയിൽ താരം ഒരു പ്രസ്താവന പോസ്റ്റ് ചെയ്തു. “പ്രൊഫഷണൽ ഫുട്ബോൾ കളിക്കുന്നതിൽ നിന്ന് ഞാൻ ഇന്ന് വിരമിക്കൽ പ്രഖ്യാപിക്കുകയാണ്,” വിൽഷെർ ട്വിറ്ററിൽ പറഞ്ഞു.
ഇംഗ്ലണ്ട് ദേശീയ ടീമിനായി 34 തവണ കളിക്കുകയും തന്റെ കരിയറിൽ ഗണ്ണേഴ്സിനോടൊപ്പം രണ്ട് എഫ്എ കപ്പ് നേടുകയും ചെയ്ത മിഡ്ഫീൽഡർ ആഴ്സണലിന്റെ എക്കാലത്തെയും പ്രായം കുറഞ്ഞ പ്രീമിയർ ലീഗ് കളിക്കാരനുള്ള റെക്കോർഡ് തകര്ത്തിരുന്നു.2010 ജനുവരിയിൽ അദ്ദേഹം ബോൾട്ടൺ വാണ്ടറേഴ്സിന് ലോണിൽ പോയി.നോർത്ത് ലണ്ടൻ ടീമിനായി അടുത്ത കുറച്ച് സീസണുകളിൽ 100 പ്രീമിയർ ലീഗ് മത്സരങ്ങളോളം കളിച്ചെങ്കിലും പരിക്കുകൾ കാരണം അദ്ദേഹത്തിന്റെ കരിയര് വഴിമുടങ്ങി.ക്ലബിൽ നിന്നുള്ള ആഴ്സൻ വെംഗറുടെ വിടവാങ്ങലും വിൽഷെറിനെ ആഴ്സണലില് നിന്ന് അകറ്റി.താമസിയാതെ അദ്ദേഹം വെസ്റ്റ് ഹാമിലേക്ക് മാറി, പരിക്കുകൾ അദ്ദേഹത്തെ അവിടെയും പരിമിതപ്പെടുത്തി.