കുടുംബ പ്രശ്‌നങ്ങൾ കൈകാര്യം ചെയ്യാൻ ക്രിസ്റ്റ്യാനോ റൊണാൾഡോക്ക് അധിക സമയം അനുവദിച്ചു;പ്രീ സീസണ്‍ ടൂറില്‍ താരം ഉണ്ടാകില്ല
മാഞ്ചസ്റ്റർ യുണൈറ്റഡ് സ്‌ട്രൈക്കർ ക്രിസ്റ്റ്യാനോ റൊണാൾഡോയ്ക്ക് ക്ലബ്ബിന്റെ പ്രീ-സീസൺ പര്യടനത്തിന് മുന്നോടിയായി കുടുംബ പ്രശ്‌നങ്ങൾ പരിഹരിക്കാൻ യുണൈറ്റഡ് അധിക സമയം അനുവദിച്ചു.മറ്റൊരു ക്ലബ്ബിൽ യുവേഫ ചാമ്പ്യൻസ് ലീഗ് ആക്ഷൻ തുടരുന്നതിനായി നടന്നുകൊണ്ടിരിക്കുന്ന ട്രാൻസ്ഫർ വിൻഡോയിൽ ഓൾഡ് ട്രാഫോർഡ് വിടാനുള്ള ആഗ്രഹം അദ്ദേഹം പ്രകടിപ്പിച്ചത് മുതല്‍ അദ്ധേഹം എങ്ങോട്ട് പോകും എന്നുള്ളതാണ് ഫുട്ബോള്‍ ലോകത്തിലെ ഏറ്റവും ചൂടേറിയ വാര്‍ത്ത.
തായ്‌ലൻഡിലും ഓസ്‌ട്രേലിയയിലും നടക്കുന്ന ക്ലബ്ബിന്റെ പ്രീ-സീസൺ മത്സരങ്ങൾക്കായി ടെൻ ഹാഗ് 31 അംഗ യാത്രാ ടീമിനെ പ്രഖ്യാപിച്ചു. ഒരു ക്ലബ് പ്രസ്താവന പ്രകാരം, ക്യാപ്റ്റൻ ഹാരി മഗ്വെയർ, മിഡ്ഫീൽഡർ ബ്രൂണോ ഫെർണാണ്ടസ്, പുതിയ സൈനിംഗ് ടൈറൽ മലേഷ്യ എന്നിവർ വരും ദിവസങ്ങളിൽ യാത്രാ വിമാനത്തിൽ ഉണ്ടാകും.
