ജാവലിൻ ത്രോയിൽ നീരജ് ചോപ്ര ഫൈനലിൽ
ടോക്കിയോ: ഒളിമ്ബിക്സില് പുരുഷന്മാരുടെ ജാവലിന് ത്രോയില് ഇന്ത്യയുടെ നീരജ് ചോപ്ര ഫൈനലില്. ഗ്രൂപ്പ് എയില് യോഗ്യതാ റൗണ്ടിലെ ആദ്യ ശ്രമത്തില് തന്നെ 83.50 മീറ്റര് എന്ന യോഗ്യതാ മാര്ക്ക് താരം മറികടന്നു. ആദ്യ ശ്രമത്തില് 86.65 മീറ്ററാണ് താരം എറിഞ്ഞത്. നിലവില് ഗ്രൂപ്പ് എ യോഗ്യതാ റൗണ്ടിലെ മികച്ച ദൂരം നീരജിന്റേതാണ്.
നീരജ് ചോപ്രക്ക് പുറമെ, ജര്മനിയുടെ വെറ്ററും ഫിന്ലന്ഡിന്റെ ലസ്സിയും ഫൈനലിലേക്ക് യോഗ്യത നേടി. 85.64 മീറ്റര് മൂന്നാം ശ്രമത്തിലെറിഞ്ഞാണ് ലോക നമ്ബര് വണ് താരമായ വെറ്റര് യോഗ്യത നേടിയത്. ലസ്സി ആദ്യ ശ്രമത്തില് 84.50 മീറ്ററാണ് താണ്ടിയത്.
ഓഗസ്റ്റ് 7നാണ് ഫൈനല് മത്സരങ്ങള് നടക്കുക.