പിഎസ്ജിക്കെതിരെ നേടിയ അവസാന മിനുട്ടിലെ വിജയത്തിന്‍റെ ത്രിലില്‍ അത്ലറ്റിക്കോ മാഡ്രിഡ്
ഇന്നലെ പിഎസ്ജിയെ ഒന്നിനെതിരെ രണ്ടു ഗോളുകള്‍ക്ക് തോല്‍പ്പിച്ചതിന് ശേഷം മാധ്യമങ്ങള്‍ക്ക് മുന്നില്‍ സംസാരിച്ച ഡിയഗോ സിമിയോണി തന്റെ ടീമിന്‍റെ ഇച്ഛാശക്തിയിലും പ്രവര്‍ത്തന ബോധത്തിലും താന്‍ ഏറെ മതിപ്പ് ഉള്‍കൊള്ളുന്നു എന്നു രേഖപ്പെടുത്തി.ഇന്നലെ ഒരു ഗോളിന് പിന്നില്‍ നിന്ന ശേഷം ആണ് അത്ലറ്റിക്കോ മാഡ്രിഡ് വിജയത്തിലേക്ക് മടങ്ങി വന്നത്.94 ആം മിനുട്ടില്‍ ഏഞ്ജല്‍ കൊറെയ ആണ് വിജയ ഗോള്‍ നേടിയത്.
“റയല്‍ ബെറ്റിസിനെതിരെ ഞങ്ങള്‍ നേടിയ പരാജയത്തിന് ശേഷം ഞാന്‍ ടീം അങ്കങ്ങളുമായി ഒരു വളരെ വലിയ ചര്‍ച്ച നടന്നു.അതിനു ശേഷം നടന്ന മൂന്നു മല്‍സരങ്ങളിലും ഞങ്ങള്‍ ജയിച്ചു.90 മിനുട്ടില്‍ പോലും ഗോള്‍ നേടാന്‍ ഞങ്ങള്‍ കാണിക്കുന്ന ആര്‍ത്തി ശരിക്കും മികവ് ഉറ്റതാണ്.എതിരാളിയുടെ വലിപ്പമോ പെരുമയോ ഒന്നും ആലോചിക്കാതെ ടീമിന് വേണ്ടി എന്തും നല്കാന്‍ പോന്ന താരങ്ങള്‍ ഉള്ളിടത്തോളം കാലം ഞങ്ങള്‍ തീരില്ല.കഴിഞ്ഞ 12 വര്‍ഷമായി ഞങ്ങള്‍ ഈ പണി തുടങ്ങിയിട്ട്.” സിമിയോണി മല്‍സരശേഷം ഡിയാറിയോ എഎസിനോട് പറഞ്ഞു.
