അത്ലറ്റിക്കോ മാഡ്രിഡ് നോർവേ സ്ട്രൈക്കർ അലക്‌സാണ്ടർ സോർലോത്തിനെ സൈന്‍ ചെയ്തു
അത്ലറ്റിക്കോ മാഡ്രിഡ് സ്ട്രൈക്കർ അലക്‌സാണ്ടർ സോർലോത്തിനെ ലാലിഗ ടീമായ വില്ലാറിയലിൽ നിന്ന് നാല് വർഷത്തെ കരാറിൽ ഒപ്പിട്ടതായി രണ്ട് ക്ലബ്ബുകളും ശനിയാഴ്ച അറിയിച്ചു.28 കാരനായ നോർവേ ഇൻ്റർനാഷണൽ കഴിഞ്ഞ സീസണിൽ വില്ലാറിയലിനായി 26 ഗോളുകൾ നേടിയിരുന്നു.ട്രാൻസ്ഫർ ഫീസ് ഔദ്യോഗികമായി വെളിപ്പെടുത്തിയിട്ടില്ല, എന്നാൽ ഇത് ഏകദേശം 32 മില്യൺ യൂറോ ആണെന്ന് സ്പാനിഷ് മാധ്യമങ്ങൾ റിപ്പോർട്ട് ചെയ്തു.
അൽവാരോ മൊറാറ്റയുടെയും മെംഫിസ് ഡിപേയുടെയും വിടവാങ്ങലിന് ശേഷം ഒന്നിലധികം പുതിയ അറ്റാക്കിങ് താരങ്ങളെ അവര്‍ക്ക് ആവശ്യം ഉണ്ടെന്ന് അത്ലറ്റിക്കോ കരുതുന്നു. അതിനാല്‍ അര്‍ജന്‍റയിന്‍ ഫോര്‍വേഡ് ആയ ജൂലിയന്‍ അല്‍വാറസിനെയും സൈന്‍ ചെയ്യാനുള്ള പദ്ധതി അവര്‍ക്കുണ്ട്.സിറ്റി താരത്തിന് വേണ്ടി ആവശ്യപ്പെടുന്നത് 60 മില്യണ്‍ യൂറോ ആണ്.അത് നല്കാന്‍ അത്ലറ്റിക്കോ മാഡ്രിഡിലെ പല ഉയര്ന്ന ഉദ്യോഗസ്ഥരും മടിക്കുന്നുണ്ട്.എന്നാല്‍ അദ്ദേഹത്തിന് വേണ്ടി മാനേജര്‍ സിമിയോണി മാനേജ്മെന്റിന് മേല്‍ വലിയ സമ്മര്‍ദം ചെലുത്തുന്നുണ്ട്.
