റയൽ മാഡ്രിഡിൻ്റെ സെസാർ പലാസിയോസിന് എ സി എലില്‍ പരിക്ക്
റയൽ മാഡ്രിഡ് അക്കാദമി താരം ആയ സെസാർ പലാസിയോസ് ക്ലബ്ബിൻ്റെ പ്രീസീസൺ യുഎസ് പര്യടനത്തിനിടെ പരിക്ക് പറ്റിയത് മൂലം സ്പെയിനിലേക്ക് തിരിച്ചുവരാന്‍ ഒരുങ്ങുന്നു. താരത്തിനു എ സി എലില്‍ ആണ് പരിക്ക് സംഭവിച്ചത്.ബുധനാഴ്ച രാത്രി ചിക്കാഗോയിലെ സോൾജിയർ ഫീൽഡിൽ എസി മിലാനോട് 1-0ന് തോറ്റ റയല്‍ മാഡ്രിഡ് അടുത്ത മല്‍സരത്തില്‍ തങ്ങളുടെ ചിര വൈരികള്‍ ആയ ബാഴ്സയെ ആണ് നേരിടാന്‍ പോകുന്നത്.
പലാസിയോസിന് ഇനി എന്തായാലും എല്‍ ക്ലാസിക്കോ കളിയ്ക്കാന്‍ സാധിക്കുകയില്ല.റിപ്പോര്‍ട്ട് അനുസരിച്ച് താരത്തിനു ശസ്ത്രക്രിയ എന്തായാലും വേണ്ടി വരും.ഏതാനും ആഴ്‌ചകൾക്ക് മുമ്പ് അത്‌ലറ്റിക് ക്ലബിൽ നിന്ന് താൽപ്പര്യം ആകർഷിച്ച റയൽ മാഡ്രിഡിൻ്റെ ഏറ്റവും മികച്ച യുവ താരങ്ങളില്‍ ഒരാള്‍ ആണ് പലാസിയോസ്.മിലാനുമായുള്ള തോൽവിയിൽ അൽവാരോ റോഡ്രിഗസിനും പരിക്കേറ്റു, കണങ്കാലില്‍ ആണ് താരത്തിനു അസ്വാസ്ഥ്യം ബാധിച്ചത്. പലാസിയോസിനൊപ്പം അദ്ദേഹത്തെ സ്പെയിനിലേക്ക് തിരിച്ചയക്കണോ എന്ന് മാഡ്രിഡിൻ്റെ മെഡിക്കൽ സ്റ്റാഫ് വിലയിരുത്തി കൊണ്ടിരിക്കുകയാണ്.
