ബ്രസീലിനെ സമനിലയില്‍ തളച്ച് കൊളംബിയ !!!!!!!
ഇന്ന് കാലിഫോർണിയയിലെ സാന്താ ക്ലാരയിൽ നടന്ന കോപ്പ അമേരിക്ക ക്വാർട്ടർ ഫൈനലില്‍ ബ്രസീൽ കൊളംബിയയുമായി 1-1 സമനിലയിൽ പിരിഞ്ഞു.ഏഴ് പോയിൻ്റുമായി ഗ്രൂപ്പ് ഡിയിൽ ഒന്നാം സ്ഥാനക്കാരായ കൊളംബിയ ക്വാർട്ടറിൽ പനാമയെ നേരിടുമ്പോൾ രണ്ടാം സ്ഥാനത്തുള്ള ബ്രസീൽ ഗ്രൂപ്പ് സി ജേതാക്കളായ ഉറുഗ്വേയെ നേരിടും.ഇരു ടീമുകളും തിരിച്ചും മറിച്ചും അറ്റാക്ക് ചെയ്ത മല്‍സരത്തില്‍ വിജയസാധ്യത മാറി മറിഞ്ഞ് വന്നു.
12 ആം മിനുട്ടില്‍ വളരെ മികച്ച ഫ്രീ കിക്കിലൂടെ റഫീഞ്ഞ ബ്രസീലിന് ലീഡ് നേടി കൊടുത്തു.ഇതിന് മറുപടി നല്കാന്‍ ഡാവിൻസൺ സാഞ്ചസിന് കഴിഞ്ഞു എങ്കിലും അത് ഓഫ് സൈഡ് ആയി മാറി.അതിനു ശേഷം സമയം തീരാന്‍ ഇരിക്കെ സ്‌ട്രൈക്കർ ജോൺ കോർഡോബയുടെ മിന്നുന്ന ത്രൂ ബോൾ ഡാനിയൽ മുനോസ് വലയിൽ കയറ്റി ആദ്യ പകുതിയിൽ സ്‌കോറുകൾ സമനിലയിലാക്കി.കാലിഫോർണിയയിലെ ചൂട് വളരെ അധികം കൂടുതല്‍ ആയിരുന്നു എങ്കിലും ഇടവേളയ്ക്ക് ശേഷം ഇരു ടീമുകളും തങ്ങളുടെ തീവ്രത കുറച്ചില്ല.എന്നിട്ടും സമനിലയില്‍ മല്‍സരം തീരാന്‍ തന്നെ ആയിരുന്നു മല്‍സരത്തിന്റെ വിധി.
