ഈ ഫ്രാന്‍സിന് ഇതെന്തു പറ്റി ??????????
ഈ ലോകത്തിലെ ഏറ്റവും കൂടുതല്‍ യുവത്വം തുളുംബുന്ന കായിക ശേഷി ഉള്ള താരങ്ങള്‍ ഉള്ളത് ഫ്രാന്‍സില്‍ ആണ് എങ്കിലും ഈ യൂറോയില്‍ അവരുടെ പ്രകടനം തീര്‍ത്തൂം നിരാശാജനകം ആയി കൊണ്ടിരിക്കുകയാണ്.ഗ്രൂപ്പ് ഘട്ടം അവസാനിക്കുമ്പോള്‍ രണ്ടു സമനിലയും ഒരു ജയവും മാത്രം ആണ് അവരുടെ സമ്പാദ്യം.ഇന്നലെ നടന്ന പോളണ്ട് മല്‍സരത്തിലും സമനിലയായിരുന്നു അവരുടെ ഫലം.
മിന്നല്‍ വേഗത്തില്‍ പായാന്‍ കഴിയുന്ന ഫോര്‍വേഡുകള്‍ ഉണ്ടായിട്ടും ഇന്നലെ പോളണ്ടിന്റെ പ്രതിരോധത്തിന് മുന്നില്‍ ഒരു ഉത്തരവും നല്കാന്‍ ആവാതെ അവര്‍ വിഷമിച്ചു നിന്നു.ഒടുവില്‍ ഉസ്മാൻ ഡെംബെലെയ്‌ക്കെതിരെ ജാക്കൂബ് കിവിയോറിൻ്റെ ഫൌള്‍ മൂലം ലഭിച്ച പെനാല്‍ട്ടിയില്‍ നിന്നാണ് ഫ്രാന്‍സ് ഗോള്‍ നേടിയത്.ഗോള്‍ നേടിയിട്ടും പിച്ചില്‍ പോസിറ്റീവ് ആയ ഒരു മാറ്റം കൊണ്ട് വരാന്‍ അവര്‍ക്ക് കഴിഞ്ഞില്ല.അവരുടെ മന്ദത നിറഞ്ഞ കളിയുടെ പ്രത്യാഘാതം ഒടുവില്‍ ഫ്രാന്‍സിനെ തിരിഞ്ഞു കൊത്തി.കരോൾ സ്വിഡെർക്‌സിയെ ദയോത് ഉപമെക്കാനോ ബോക്സില്‍ വീഴ്ത്തിയത് മൂലം പോളണ്ടിനും ലഭിച്ചു സ്പോട്ട് കിക്ക്.അത് എടുത്ത ലെവന്‍ഡോസ്ക്കി പന്ത് വലയില്‍ എത്തിക്കുകയും സ്കോര്‍ ടൈ ആക്കുകയും ചെയ്തു.
