ടൈറ്റില്‍ റേസില്‍ മടങ്ങി എത്താന്‍ ലിവര്‍പൂള്‍
മിഡ്‌വീക്കിലെ ഡെർബിയിലെ തോൽവിയിൽ നിന്ന് ഇപ്പോഴും കരകയറാന്‍ ശ്രമിക്കുന്ന ലിവര്‍പൂള്‍ ഇന്ന് വൈകീട്ട് വെസ്റ്റ് ഹാം യുണൈറ്റഡിനെ നേരിടും.കഴിഞ്ഞ മല്‍സരത്തില്‍ എവര്‍ട്ടനെതിരെ പരാജയപ്പെട്ടത് മൂലം പ്രീമിയര്‍ ലീഗ് ടൈറ്റില്‍ റേസില്‍ ലിവര്‍പൂളിന് വലിയ തിരിച്ചടിയാണ് ലഭിച്ചത്.നിലവില്‍ റെഡ്സിനെക്കാള്‍ പ്രീമിയര്‍ ലീഗ് കിരീടം നേടാന്‍ സാധ്യത സിറ്റി, ആഴ്സണല്‍ ടീമുകള്‍ ആണ്.
ഫുൾഹാമിനും ക്രിസ്റ്റൽ പാലസിനുമെതിരെ കഴിഞ്ഞ മല്‍സരത്തില്‍ പരാജയപ്പെട്ട വെസ്റ്റ് ഹാം യുണൈറ്റഡിനും വിജയ വഴിയിലേക്ക് മടങ്ങേണ്ടത് ഉണ്ട്.ഇന്ന് ഇന്ത്യന്‍ സമയം അഞ്ചു മണിക്ക് ആണ് മല്‍സരം.ഈ സീസണില്‍ ഇതിന് മുന്നേ ഈ രണ്ടു ടീമുകളും ഏറ്റുമുട്ടിയപ്പോള്‍ പ്രീമിയര്‍ ലീഗില്‍ 3- 1 നും ഈഎഫ്എല്‍ കപ്പില്‍ 5-1 നും ലിവര്‍പൂള്‍ വെസ്റ്റ് ഹാമിനെ പരാജയപ്പെടുത്തിയിരുന്നു.ഇന്നതെ മല്‍സരത്തില്‍ സ്ട്രൈക്കര്‍ ആയി ക്ലോപ്പ് ഇറക്കിയിരിക്കുന്നത് കോഡി ഗാക്ക്പ്പോയെ ആണ് . അതുപോലെ വെറ്ററന്‍ താരം ആയ സലക്ക് വിശ്രമം നല്കി ഹാര്‍വി എലിയട്ടിനെ ആദ്യ ഇലവനില്‍ കളിയ്ക്കാന്‍ ഇറക്കിയിട്ടുണ്ട്.
