അൻ്റോണിയോ റൂഡിഗറിനെതിരെ ഓൺലൈൻ വിദ്വേഷ പ്രസംഗം ; നടപടിക്ക് ഒരുങ്ങി ജര്മന് ഫൂട്ബോള്
ജർമ്മനി ഡിഫൻഡർ അൻ്റോണിയോ റൂഡിഗറും ജർമ്മൻ ഫുട്ബോൾ അസോസിയേഷനും ഒരു മുൻ ടാബ്ലോയിഡ് എഡിറ്ററിനെതിരെ നിയമനടപടി സ്വീകരികാന് ഒരുങ്ങുന്നു.കളിക്കാരൻ്റെ റമദാൻ ആശംസ തീവ്രവാദ ഗ്രൂപ്പായ ഇസ്ലാമിക് സ്റ്റേറ്റിനുള്ള പിന്തുണയാണ് എന്ന് എഴുതിയ പത്ര പ്രവര്ത്തകനെതിരെ ആണ് താരം രംഗത്ത് വന്നിരിക്കുന്നത്.മുസ്ലീമായ റൂഡിഗർ, വെളുത്ത വസ്ത്രത്തിൽ പ്രാർത്ഥന പായയിൽ മുട്ടുകുത്തി വലത് ചൂണ്ടുവിരൽ കൊണ്ട് മുകളിലേക്ക് ചൂണ്ടുന്ന ഒരു ഫോട്ടോ ഇൻസ്റ്റാഗ്രാമിൽ പോസ്റ്റ് ചെയ്തിരുന്നു.
![Das Paralleluniversum des Julian Reichelt](https://www.fr.de/assets/images/28/660/28660269-julian-reichelt-2ue9.jpg)
(ജൂലിയൻ റീച്ചെൽറ്റ്)
മുൻ ബിൽഡ് ചീഫ് എഡിറ്റർ ജൂലിയൻ റീച്ചെൽറ്റ് ഇതിനെതിരെ പരസ്യമായി ട്വീറ്റ് ചെയ്തു.താരത്തിന്റെ പ്രവര്ത്തി ഐഎസുമായി സാമ്യം ഉണ്ട് എന്നാണ് അദ്ദേഹം പറഞ്ഞത്.ഇത് ജര്മനിയില് വലിയൊരു പൊട്ടിത്തെറിക്ക് തന്നെ കാരണം ആയി.ടാബ്ലോയിഡിലെ വനിതാ ജീവനക്കാരെ ഭീഷണിപ്പെടുത്തുകയും ദുരുപയോഗം ചെയ്യുകയും ചെയ്തുവെന്ന ആരോപണങ്ങൾക്കിടയിൽ 2021 ൽ ബിൽഡിൽ നിന്ന് പുറത്താക്കപ്പെട്ടിട്ടും റീച്ചെൽറ്റ് സോഷ്യൽ മീഡിയയിൽ വലിയ ജനപിന്തുണ ഉള്ള മാധ്യമപ്രവര്ത്തകന് ആണ്.ഓൺലൈൻ വിദ്വേഷ പ്രസംഗം ആരോപിച്ച് റീച്ചെൽറ്റിനെതിരെ നിയമനടപടികൾ ആരംഭിച്ചതായി ഡിഎഫ്ബി ചൊവ്വാഴ്ച അസോസിയേറ്റഡ് പ്രസ്സിനോട് പറഞ്ഞു.