ഈസ്റ്റ് ബംഗാൾ എഫ്‌സിയെ കടത്തിവെട്ടാന്‍ കേരള ബ്ലാസ്റ്റേഴ്‌സ് എഫ്‌സി
കൊൽക്കത്തയിലെ സാൾട്ട് ലേക്ക് സ്റ്റേഡിയത്തിൽ ഈസ്റ്റ് ബംഗാൾ എഫ്‌സിയെ നേരിടാൻ കേരള ബ്ലാസ്റ്റേഴ്‌സ്.ബ്ലാസ്റ്റേഴ്‌സ് അവരുടെ ആദ്യ അഞ്ച് മത്സരങ്ങളിൽ മൂന്നെണ്ണം വിജയിച്ചു.ഈ ക്യാമ്പയിനിലെ അവരുടെ രണ്ടാമത്തെ എവേ മല്‍സരം മാത്രം ആണിത്.ലീഗ് പട്ടികയില്‍ അഞ്ചാം സ്ഥാനത്ത് ആണ് ഇപ്പോള്‍ ബ്ലാസ്റ്റേഴ്‌സ്.ഇന്ന് ജയം ഉറപ്പിക്കാന്‍ കഴിഞ്ഞാല്‍ ലീഗില്‍ ഒന്നാം സ്ഥാനത്ത് എത്താന്‍ അവര്‍ക്ക് കഴിയും.
ഒന്നാം സ്ഥാനം ലക്ഷ്യം വെച്ചുള്ള പോരാട്ടത്തില്‍ ആശാന്‍ ഇവാൻ വുകോമാനോവിച്ചിന്‍റെ കീഴില്‍ കൈ മെയ് മറന്നു പോരാടാന്‍ ബ്ലാസ്റ്റേഴ്‌സ് താരങ്ങള്‍ തയ്യാര്‍ ആണ്.കഴിഞ്ഞ മല്‍സരത്തില്‍ ഒരു ഗോളിന് പിന്നില്‍ നിന്ന ശേഷം ഒഡീഷക്കെതിരെ രണ്ടു ഗോള്‍ തിരിച്ചടിച്ച് വിജയിക്കാന്‍ കഴിഞ്ഞതിന്‍റെ ത്രിലില്‍ ആണ് കേരള ടീം.മികച്ച ഫോമില്‍ ഉള്ള അഡ്രിയാന്‍ ലൂണയില്‍ തന്നെ ടീമിന്‍റെ എല്ലാ വിശ്വാസവും.മറുവശത്ത് നാല് മല്‍സരങ്ങളില്‍ നിന്നു ഒരു ജയം മാത്രം നേടിയ ഈസ്റ്റ് ബെംഗാള്‍ ഒന്പതാം സ്ഥാനത്ത് ആണ്.എന്നാല്‍ ബെംഗാള്‍ മികച്ച ടീം ആണ് എന്നും നിലവിലെ സാഹചര്യം കണക്കില്‍ എടുത്തു അവരെ വില കുറച്ച് കണ്ടാല്‍ തിരിച്ചടി ലഭിക്കാന്‍ പോകുന്നത് ബ്ലാസ്റ്റേഴ്‌സ് ടീം ആയിരിയ്ക്കും എന്ന് കൊച്ച് ഇവാൻ വുകോമാനോവിച്ച് മല്‍സരത്തിന് മുന്നേ നടന്ന പത്ര സമ്മേളനത്തില്‍ പറഞ്ഞിരുന്നു.
