രണ്ടാം ദിന൦ : ഷക്കീലിന്റെയും സൽമാന്റെയും മികവിൽ പാകിസ്ഥാൻ പൊരുതുന്നു

ജൂലൈ 17, തിങ്കളാഴ്ച ഗാലെയിൽ നടന്ന 2-മത്സര പരമ്പരയിലെ ആദ്യ ടെസ്റ്റിന്റെ രണ്ടാം ദിനത്തിൽ പാകിസ്ഥാൻ തകർപ്പൻ ബാറ്റിംഗുമായി എത്തി. ശ്രീലങ്കയെപ്പോലെ തന്നെ, പാകിസ്ഥാൻ ഒരു ടോപ്-ഓർഡറിന്റെ തകർച്ചയെ മറികടന്ന് സുരക്ഷിത സ്ഥാനത്ത് എത്തി. ശ്രീലങ്കയുടെ ഇന്നിങ്ങ്സ് 312 റൺസിൽ അവസാനിച്ചു. ഇന്ന് കളി അവസാനിച്ചപ്പോൾ പാകിസ്ഥാൻ 221/5 എന്ന നിലയിലാണ്. 69 റൺസുമായി ഷക്കീലും 61 റൺസുമായി സൽമാനുമാണ് ക്രീസിൽ.

ഇന്നിങ്ങ്സ് ആരംഭിച്ച പാകിസ്ഥാന് തുടക്കം തന്നെ പിഴച്ചു. മൂന്ന് റൺസിന് ആദ്യ വിക്കറ്റ് നഷ്ട്ടമായ അവർക്ക് സ്‌കോർ 101ൽ എത്തിയപ്പോൾ പാതി വിക്കറ്റ് നഷ്ടമായി. ഗണ്യമായ ലീഡ് നേടാനുള്ള ശ്രമത്തിലാണ് പാകിസ്ഥാൻ 5 വിക്കറ്റ് നഷ്ടത്തിൽ 101 എന്ന നിലയിൽ നിന്നാണ് ടീം 221ൽ എത്തിയത്. നിലവിൽ അവർ 91 റൺസിന് പുറകിൽ ആണ്. . ആറാം വിക്കറ്റിൽ ഇരുവരും ചേർന്ന് 121 റൺസ് ആണ് നേടിയത്. 13 റൺസ് വഴങ്ങി പാകിസ്ഥാൻ ക്യാപ്റ്റൻ ബാബർ അസം ഉൾപ്പെടെ മൂന്ന് വലിയ വിക്കറ്റുകൾ വീഴ്ത്തിയ ഇടംകൈയ്യൻ സ്പിന്നർ പ്രബാത് ജയസൂര്യയാണ് ശ്രീലങ്കയുടെ ബൗളിംഗ് ഇന്നിംഗ്സിലെ താരം.

സുനിൽ ഗവാസ്‌കർ, ബേസിൽ ബുച്ചർ, സയീദ് അഹമ്മദ്, ബെർട്ട് സറ്റ്ക്ലിഫ് എന്നിവർക്ക് ശേഷം തന്റെ ആദ്യ 6 ടെസ്റ്റ് മത്സരങ്ങളിൽ ഓരോന്നിലും ഫിഫ്റ്റിയെങ്കിലും സ്‌കോർ ചെയ്യുന്ന അഞ്ചാമത്തെ ബാറ്ററായി സൗദ് ഷക്കീൽ. 88 പന്തിൽ 6 ബൗണ്ടറികൾ സഹിതം പുറത്താകാതെ 69 റൺസെടുത്ത ഇടംകൈയ്യൻ ബാറ്റർ അതിവേഗം സ്കോർ ചെയ്തു.