ഒനാനയുടെ കാര്യത്തില്‍ അവസാനം യുണൈറ്റഡും മിലാനും ഒത്തുതീര്‍പ്പില്‍ എത്തുന്നു
കാമറൂണിയൻ ഗോൾകീപ്പർ ആന്ദ്രേ ഒനാനയുമായി ബന്ധപ്പെട്ട കരാറിൽ ഇന്റർ മിലാനുമായി മാഞ്ചസ്റ്റർ യുണൈറ്റഡ് ഉടന്‍ തന്നെ ധാരണയിലെത്തുമെന്ന് റിപ്പോർട്ട്.കഴിഞ്ഞ മാസം അവസാനം ഡേവിഡ് ഡി ഗിയയെ ഓൾഡ് ട്രാഫോർഡിൽ നിന്ന് സൗജന്യമായി കൈമാറ്റം ചെയ്യാൻ അനുവദിച്ച റെഡ് ഡെവിൾസ് പുതിയ ഗോള്‍കീപ്പര്‍ക്ക് വേണ്ടിയുള്ള തിരച്ചിലില്‍ ആണ്.
ഒനാനയാണ് മാൻ യുണൈറ്റഡിന്റെ ആദ്യ ചോയ്‌സ്.പ്രമുഖ ബ്രിട്ടീഷ് മാധ്യമം ആയ ഡെയ്‌ലി മെയിൽ പറയുന്നതനുസരിച്ച്, ഇരു ടീമുകളും തമ്മിലുള്ള ചർച്ചകൾ അവസാന ഘട്ടത്തില്‍ എത്തിയിരിക്കുന്നു.ഗോൾകീപ്പർക്ക് ആഡ്-ഓണുകൾ ഉൾപ്പെടെ £43 മില്യൺ ലഭിക്കുമെന്ന് ഇന്റർ പ്രതീക്ഷിക്കുന്നു.ഒനാനയും മാൻ യുണൈറ്റഡും തമ്മില്‍ നടത്തിയ വ്യക്തിപരമായ ചര്‍ച്ച വിജയം ആയിരുന്നു.അതിനാൽ മാഞ്ചസ്റ്റര്‍ ഔദ്യോഗികമായി ഫീസ് അടച്ചുകഴിഞ്ഞാൽ താരം ഉടന്‍ തന്നെ വൈദ്യപരിശോധനയ്ക്ക് വിധേയനാകും.
