ബയേൺ മ്യൂണിക്ക് വിട്ടതിന് ശേഷം ഡെയ്ലി ബ്ലൈൻഡ് ലാലിഗയിലേക്ക് മാറുന്നു
ബയേൺ മ്യൂണിക്കിലെ നിരാശാജനകമായ സ്പെല്ലിന് ശേഷം എഫ്സി ജിറോണയിൽ പുതിയ തുടക്കത്തിനായി മുൻ മാഞ്ചസ്റ്റര് യുണൈറ്റഡ് താരം ഡെയ്ലി ബ്ലൈൻഡ് ഒരുങ്ങുകയാണ്.33-കാരനായ അദ്ദേഹം ജനുവരിയിൽ ബുണ്ടസ്ലിഗയില് ചേര്ന്ന താരം നാല് ലീഗ് മത്സരങ്ങൾ മാത്രമാണ് കളിച്ചത്.മാർച്ചിൽ ഓഗ്സ്ബർഗിനെതിരെ ആറ് മിനിറ്റ് കളിച്ചത് ആയിരുന്നു അദ്ദേഹത്തിന്റെ അവസാനത്തെ മത്സരം.
ഡച്ചുകാരൻ ഇപ്പോൾ തന്റെ കരിയറിൽ ആദ്യമായി ലാ ലിഗയിൽ കളിക്കാൻ ഒരുങ്ങുകയാണ്, ഒരു സൗജന്യ ട്രാൻസ്ഫർ ആണ് അണിയറയില് ഒരുങ്ങുന്നത്.മെഡിക്കൽ മാത്രമാണ് ബാക്കിയുള്ളത്.101 അന്താരാഷ്ട്ര മത്സരങ്ങൾ കളിച്ചിട്ടുള്ള ബ്ലൈൻഡ് കറ്റാലൻ ക്ലബ്ബിനായി കളിക്കുന്ന ആദ്യത്തെ ഡച്ച് താരമാകും.2018-ൽ മാഞ്ചസ്റ്റർ യുണൈറ്റഡ് വിട്ടതിനുശേഷം, 2019-ൽ അയാക്സിന് വേണ്ടി കളിക്കുമ്പോള് തലകറക്കം അനുഭവപ്പെട്ടതായി വെളിപ്പെടുത്തിയിരുന്നു.ഒരു വൈദ്യപരിശോധനയിൽ അദ്ദേഹത്തിന് ഹൃദയപേശികളിലെ വീക്കം ഉണ്ടെന്ന് കണ്ടെത്തി, എന്നാൽ ഹൃദയമിടിപ്പ് നിയന്ത്രിക്കാൻ ഒരു ഇംപ്ലാന്റ് ചെയ്യാവുന്ന കാർഡിയോവർട്ടർ ഡിഫിബ്രിലേറ്റർ (ഐസിഡി) ഘടിപ്പിച്ചതിന് ശേഷം ബ്ലൈൻഡ് കളി തുടർന്നു.
