ന്യൂകാസിൽ യുണൈറ്റഡ് സാൻഡ്രോ ടോണാലിയുടെ സൈനിംഗ് സ്ഥിരീകരിച്ചു

എസി മിലാനിൽ നിന്ന് ഇറ്റാലിയൻ മിഡ്ഫീൽഡർ സാന്ദ്രോ ടൊനാലിയെ സൈനിംഗ് ചെയ്തതായി ന്യൂകാസിൽ യുണൈറ്റഡ് സ്ഥിരീകരിച്ചു.2027-28 സീസണിന്റെ അവസാനം വരെ പ്രാരംഭ അഞ്ച് വർഷത്തെ കരാറിൽ ഇറ്റാലിയന്‍ മിഡ്ഫീൽഡർ  പ്രീമിയര്‍ ലീഗ് ക്ലബുമായി കരാറില്‍ ഏര്‍പ്പെട്ടിരിക്കുന്നത്.ടോണാലിയുടെ സേവനങ്ങൾക്കായി ന്യൂകാസിൽ 70 മില്യണ്‍ യൂറോ നല്‍കിയിട്ടുണ്ട്.ഇത് മിഡ്ഫീൽഡറെ ചരിത്രത്തിലെ ഏറ്റവും ചെലവേറിയ ഇറ്റാലിയൻ താരമാക്കി മാറ്റിയിരിക്കുന്നു.

ഗാംബിയൻ ആക്രമണകാരിയായ യാങ്കുബ മിന്റേയെ പിന്തുടർന്ന് ന്യൂകാസിലിന്റെ വേനൽക്കാല ജാലകത്തിന്റെ രണ്ടാമത്തെ സൈനിംഗായി ആണ് ടോണാലി സെന്റ് ജെയിംസ് പാർക്കിലെത്തുന്നത്.”ന്യൂകാസിൽ യുണൈറ്റഡിന് നന്ദി പറയാൻ ഞാൻ ആഗ്രഹിക്കുന്നു, കാരണം അവർ എന്റെ കരിയറില്‍ ഒരു വലിയ വഴി തിരിവ് ആയിട്ടാണ് വന്നിരിക്കുന്നത്.ക്ലബും ആരാധകരും എന്‍റെ മേലില്‍ വെച്ചിരിക്കുന്ന  വിശ്വാസം എനിക്ക് എന്ത് വില കൊടുത്തും രക്ഷിക്കണം.”ടോണാലി ന്യൂകാസിൽ യുണൈറ്റഡിന്റെ ഔദ്യോഗിക വെബ്‌സൈറ്റിനോട് പറഞ്ഞു.