ബ്രസീലിയന്‍ വണ്ടര്‍ കിഡിന് വേണ്ടിയുള്ള പിഎസ്ജി ഓഫര്‍ പാല്‍മിറാസ് നിരസിച്ചിരിക്കുന്നു
പിഎസ്ജി ബ്രസീലിയന്‍ യുവ താരമായ എൻഡ്രിക്കിനു വേണ്ടി നല്‍കിയ 40 മില്യൺ പൗണ്ട് ഓഫർ പാൽമിറാസ് നിരസിച്ചിരിക്കുന്നു.പതിനാറു വയസ്സുള്ള താരം ആണ് ഇപ്പോഴത്തെ യൂറോപ്പിലെ തന്നെ പ്രധാന ചര്‍ച്ചാവിഷയം.പിഎസ്ജിയേ കൂടാതെ താരത്തിനു വേണ്ടി റയല്‍,യുണൈറ്റഡ്,ചെല്‍സി എന്നിവരും വിപണിയില്‍ നീക്കങ്ങള്‍ നടത്തുന്നുണ്ട്.
ഈ വർഷമാദ്യം പൽമീറസുമായി എൻഡ്രിക്ക് തന്റെ ആദ്യത്തെ പ്രൊഫഷണൽ കരാർ ഒപ്പിട്ടിരുന്നു.2025 വരെയാണ് കരാര്‍ കാലാവധി.ക്ലബ് താരത്തിന് നല്‍കിയിരിക്കുന്നത് 53 മില്യൺ പൗണ്ട് റിലീസ് ക്ലോസ് ആണ്.എൻഡ്രിക്കും കുടുംബവും ഈ അടുത്ത് ചെൽസിയുടെ പരിശീലന ഗ്രൗണ്ട് സന്ദര്‍ശിച്ചിരുന്നു.നിലവിലെ റിപ്പോര്‍ട്ടുകള്‍ പ്രകാരം റയല്‍ മാഡ്രിഡ്‌ ആണ് താരത്തിന്‍റെ സൈനിങ്ങ് റേസില്‍ വിജയി ആവാനുള്ള സാധ്യത.ഈ സീസണിൽ കോപിൻഹയിൽ ഏഴ് മത്സരങ്ങളിൽ നിന്ന് ആറ് ഗോളുകള്‍ താരം നേടിയിട്ടുണ്ട്.അപാര ഫിനിഷിങ്ങ് പാടവവും കൂടാതെ കളി പെട്ടെന്ന് പഠിച്ചെടുക്കാന്‍ ഉള്ള താരത്തിന്‍റെ കഴിവും ആണ് മറ്റ് യുവ താരങ്ങളില്‍ നിന്നും അദ്ധേഹത്തെ ഏറെ വിത്യസ്തന്‍ ആക്കുന്നത്.
