മുഖച്ഛായ തിരിച്ചു പിടിക്കാൻ ലിവർപൂൾ; എതിരാളികൾ ലീഡ്സ്.!

പ്രീമിയർ ലീഗിൽ തങ്ങളുടെ മുഖച്ഛായ തിരിച്ചുപിടിക്കാൻ ക്ലോപ്പും സംഘവും ഇന്ന് ഇറങ്ങുകയാണ്. നിലവിൽ കടലാസിൽ മാത്രമാണ് ലിവർപൂൾ കരുത്തർ. കഴിഞ്ഞ മത്സരത്തിൽ ഏറ്റവും അവസാന സ്ഥാനത്തുള്ള നോട്ടിങ്ഹാം ഫോറസ്റ്റിനോടും അവർ പരാജയം ഏറ്റുവാങ്ങിയിരുന്നു. ഇതോടെ വലിയ നാണക്കേടിൻ്റെ വക്കിലാണ് ലിവർപൂൾ ഉള്ളത്. എന്തായാലും ഇന്ന് വിജയത്തിൽ കുറഞ്ഞതൊന്നും ടീമും പ്രത്യേകിച്ച് ആരാധകരും ആഗ്രഹിക്കുന്നുണ്ടാവില്ല. അതുകൊണ്ടുതന്നെ ഒരു മികച്ച വിജയത്തോടെ തങ്ങളുടെ പഴയ മുഖച്ഛായ തിരിച്ചുപിടിക്കുവാൻ ആകും ടീം ശ്രമിക്കുക. നിലവിൽ 11 മത്സരങ്ങളിൽ നിന്നും 16 പോയിൻ്റുമായി 8ആം സ്ഥാനത്താണ് ലിവർപൂൾ ഉള്ളത്. അതേ സമയം 11 മത്സരങ്ങളിൽ നിന്നും 9 പോയിൻ്റുമായി 18ആം സ്ഥാനത്താണ് ലീഡ്സ് യുണൈറ്റഡ്. അവർ നിലവിൽ റെലഗേഷൻ സോണിലാണ്. ഈയൊരു കാരണം കൊണ്ടുതന്നെ ലീഡ്‌സിനെ സമ്പന്ധിച്ചിടത്തോളം വിജയം അനിവാര്യമാണ്. അല്ലാത്ത പക്ഷം തരംതാഴ്ത്തൽ ഭീഷണി നേരിടേണ്ടിവരും.

സൂപ്പർ താരങ്ങളായ ഡീയേഗോ ജോട്ട, അലക്സാണ്ടർ അർനോൾഡ്, ലൂയിസ് ഡയസ് തുടങ്ങിയവരുടെ പരിക്ക് ടീമിന് തിരിച്ചടിയാണ്. സല, ഫെർമിനോ, ന്യൂനസ് സഖ്യമായിരിക്കും ആക്രമണം നിയന്ത്രിക്കുക. എന്തായാലും മികച്ചൊരു മത്സരം തന്നെ നമുക്ക് പ്രതീക്ഷിക്കാം.

ഇന്ത്യൻ സമയം അർദ്ധരാത്രി 12.15 ന് ലിവർപൂളിൻ്റെ തട്ടകമായ ആൻഫീൽഡിൽ വെച്ചാണ് ഈയൊരു മത്സരം നടക്കുക.