സ്വർണം എറിഞ്ഞിട്ട് നീരജ് ചോപ്ര
ടോക്യോ ഒളിംപിക്സ് ചരിത്രത്തില് ട്രാക്ക് ആന്ഡ് ഫീല്ഡില് ഇന്ത്യക്ക് ആദ്യ സ്വര്ണം. പുരുഷ ജാവലിന് ത്രോയില് നീരജ് ചോപ്രയാണ് ഇന്ത്യക്ക് സ്വര്ണം സമ്മാനിച്ചത്. 87.58 ദൂരം താണ്ടിയാണ് ചോപ്ര സ്വര്ണം നേടിയത്.
ആദ്യ ശ്രമത്തില് 87.03 മീറ്റര് ദൂരം എറിഞ്ഞ് ഒന്നാമെത്തിയ നീരജ് രണ്ടാം ശ്രമത്തില് 87.58 മീറ്റര് ദൂരം പിന്നിട്ട് ഒന്നാം സ്ഥാനം നിലനിര്ത്തി. മൂന്നാം ശ്രമത്തില് 76.79 മീറ്ററെ താണ്ടിയുള്ളുലെങ്കിലും അവസാന റൗണ്ടിലേക്ക് ഒന്നാമനായി തന്നെ നീരജ് യോഗ്യത നേടി.അവസാന മൂന്ന് റൗണ്ടിലെ നീരജിന്റെ നാലാമത്തെയും അഞ്ചാമത്തെയും ശ്രമങ്ങളും ഫൗളായെങ്കിലും നീരജിനെ വെല്ലുന്ന ത്രോ മറ്റാരും പുറത്തെടുത്തില്ല.
