ഇന്റർ വക സിക്സർ 6-0; ബ്രെസിയ തവിടുപൊടി

ബ്രസിയേനെ എതിരില്ലാത്ത ആറ് ഗോളുകൾക്ക് പരാജയപ്പെടുത്തി ഇന്റർ മിലാൻ. ഇതോടെ 64 പോയിന്റുമായി ഇന്റർ മൂന്നാം സ്ഥാനത്താണ്. പക്ഷെ ലീഗ് കിരീടം എന്ന മോഹം വിദൂരത്ത് തന്നെയാണ്. ഒന്നാമതുള്ള യുവന്റസിന് 8 പോയിന്റ് ലീഡ് ഉണ്ട്.

ഇന്ററിനായി സ്കോറിന് തുടങ്ങിയത് ആഷ്ലി യങ് ആണ്(6′). പിന്നീടങ്ങോട്ട് ഗോൾ മഴ തന്നെ ആയിരുന്നു. അലക്സിസ് സാഞ്ചേസ്, അംബ്രോസിയ, ഗാഗലിയാർഡിനി, എറിക്സൺ, കാൻഡ്രെവ എന്നിവരാണ് സ്കോർ ഷീറ്റിൽ ഇടം പിടിച്ച മറ്റ് കളിക്കാർ. തോൽവിയോടെ ബ്രെസിയ 20 ആം സ്ഥാനത്തേക്ക് തള്ളപ്പെട്ടു.