പ്രീമിയർ ലീഗിൽ 50 ഗോളുകൾ – ഓബാമയാങ് കുതിക്കുന്നു

നോർവിചിനെ എതിരില്ലാത്ത നാല് ഗോളുകൾക്ക് ആഴ്‌സണൽ പരാജയപെടുത്തിയപ്പോൾ ഓബാമയാങ് മറ്റൊരു നാഴികക്കല്ലും മറികടന്നിരുന്നു. 50 ഗോളുകളിൽ കൂടുതൽ പ്രീമിയർ ലീഗിൽ അടിച്ച ഒരു എലൈറ്റ് ക്ലബ്ബിൽ അദ്ദേഹവും അംഗമായി. 77 മത്സരങ്ങളിൽ നിന്നാണ് ഈ ഗാബോൺ താരം ഈ നേട്ടം സ്വന്തമാക്കിയത്. മത്സരത്തിൽ രണ്ടു ഗോളുകൾ അടിച്ചു വിജയശില്പി കൂടി ആയി അദ്ദേഹം.

വെറും 77 അൽസരങ്ങളിൽ നിന്നാണ് ഈ നേട്ടം ഓബാമയാങ് സ്വന്തമാക്കിയത്. അതായത് സാക്ഷാൽ തിയറി ഓണറിയേക്കാളും സെർജിയോ അഗ്വെറയെക്കാളും വേഗത്തിൽ. പ്രീമിയർ ലീഗിൽ വേഗത്തിൽ 50 ഗോളുകൾ നേടുന്ന ആറാമത്തെ താരമായി അദ്ദേഹം മാറി. മാഞ്ചസ്റ്റർ യുണൈറ്റഡിന്റെ താരമായിരുന്ന ആൻഡി കോൾ ആണ് ഏറ്റവും വേഗത്തിൽ 50 ഗോൾ തികച്ചത്.

ആൻഡി കോൾ – 65 മത്സരത്തിൽ
അലൻ ഷിയറർ – 66 മത്സരത്തിൽ
നിസ്റ്റൽറൂയ് – 68 മത്സരത്തിൽ
ഫെർണാണ്ടോ ടോറസ് – 72
മുഹമ്മദ് സാലഹ് – 72