ബാഴ്സലോണയിലേക്ക് പുതിയ സ്ട്രൈക്കർ എത്തുന്നു

സ്ട്രൈക്കറിന്റെ അഭാവത്തിൽ പ്രതിസന്ധിയിലായ ബാഴ്സലോണ ഒടുവിൽ പരിഹാരം കണ്ടെത്തുന്നു. ലാലിഗയോട് പ്രത്യേക അനുമതി വാങ്ങിയ ബാഴ്സലോണ പുതിയ സൈനിംഗിന് തയ്യാറെടുക്കുകയാണ്. ലെഗനെസ് സ്ട്രൈക്കറായ ബ്രെത് വൈറ്റാണ് പരിക്കേറ്റ സുവാരസിനു പകരമായി ബാഴ്സലോണയിലേക്കെത്തുക. പുതിയ താരത്തിനായി ബാഴ്സലോണ സമീപിച്ചതായി ലെഗനെസ് വ്യക്തമാക്കി.

28കാരനായ ബ്രെത് വൈറ്റിനു വേണ്ടി 18 മില്യണോളമാകും ബാഴ്സലോണ ചിലവഴിക്കുക. ഇന്നോ നാളെയോ ആയി ബാഴ്സലോണ താരത്തിന്റെ സൈനിംഗ് പൂർത്തിയാക്കും. ഡെന്മാർക്ക് താരമായ ബ്രെത് വൈറ്റിനെ താൽക്കാലിക ആശ്വാസമെന്ന നിലയിലാണ് ബാഴ്സലോണ സൈൻ ചെയ്യുന്നത്. ലെഗനെസിനു വേണ്ടി ഈ സീസണിൽ 24 മത്സരങ്ങളിൽ നിന്ന് 6 ഗോളുകൾ നേടിയ താരമാണ് ബ്രെത് വൈറ്റ്.