വനിതാ ഫുട്ബോളർമാർക്ക് പുരുഷന്മാർക്ക് ലഭിക്കുന്ന അതേ ശമ്പളം ഉറപ്പാക്കി ഓസ്ട്രേലിയൻ ഫുട്ബോൾ ഫെഡറേഷൻ
ഓസ്ട്രേലിയയിലെ ദേശീയ ടീമിനായി കളിക്കുന്ന വനിതാ ഫുട്ബോളർമാർക്ക്, പുരുഷന്മാർക്ക് ലഭിക്കുന്ന അതേ ശമ്പളം ഇനിമുതൽ ലഭിക്കും. കായികരംഗത്തെ ലിംഗസമത്വത്തിലേക്കുള്ള സുപ്രധാന ഘട്ടമായി കണക്കാക്കപ്പെടുന്ന ഈ കരാറിന്റെ ബ്ലൂപ്രിന്റ് ബുധനാഴ്ച അവതരിപ്പിച്ചു.
ഓസ്ട്രേലിയൻ ഫുട്ബോൾ ഫെഡറേഷൻ (എഫ്എഫ്എ) പ്രഖ്യാപിച്ച പുതിയ കേന്ദ്രീകൃത കരാർ സമ്പ്രദായമനുസരിച്ച്, വനിതാ താരങ്ങളായ സാമന്ത കെർ, എല്ലി കാർപെന്റർ എന്നിവർക്ക് തുല്യമായി ശമ്പളം ലഭിക്കും. ഇതിഹാസ താരങ്ങളായ ആരോൺ മൂയ്, പുരുഷ ടീമിലെ മാറ്റ് റയാൻ എന്നിവർക്ക് തുല്യമായ ശമ്പളം ലഭിക്കും. കൂടാതെ, വനിതാ കളിക്കാർക്ക് അന്താരാഷ്ട്ര മത്സരങ്ങൾക്കും പുരുഷന്മാർക്ക് സമാനമായ ടൂർണമെന്റുകൾക്കുമായി വിമാനത്തിന്റെ ‘ബിസിനസ് ക്ലാസ്’ ടിക്കറ്റുകൾ ലഭ്യമാക്കും.
ഓസ്ട്രേലിയൻ ഫെഡറേഷന്റെ ഈ നീക്കം അമേരിക്കൻ ഫുട്ബോൾ ഫെഡറേഷനെതിരെ തുല്യവേതനത്തിനായി കേസ് ഫയൽ ചെയ്ത അമേരിക്കൻ വനിതാ ഫുട്ബോൾ കളിക്കാരെ പ്രചോദിപ്പിക്കും.
